amalinks wokungena

Breaking News

Bananze Ilanga leMothers' Day Besidla Ezifel'emlonyeni koBulawayo, Kodwa eHwange Umangoye Ubelele Eziko


Bekudliwa ezifel'emlonyeni ezigoqela amakhekhe

Abadala bathi ukuzala yikuzimbela.

Lokhu kungafakazwa ngokugcweleyo ngoMama bakoBulawayo abedlula ikhulu abaphatheke emthimbeni abawenzelwe ngabantwababo abasemazweni ngeSonto bethakazelela ilanga leMothers’ Day.

Badle ezifela emlonyeni, banatha, batshitshimba kwaze kwaba ncane indawo. Ubeziqhunsa ingoma ezimnandi uDJ amagabazi atshelele esiyale lale kuthi izigxangu lazo zigxanguze kungabi ndaba zalutho.

OMama abalabantwana abasebenza Emazweni bethakazelela ilanga leMothers' Day koBulawayo ngeSonto
please wait

No media source currently available

0:00 0:00:32 0:00

Omunye waboMama laba nguNkosikazi Homi Nyathi. “Ngiswele imilomo eyinkulungwane yokubonga. Lokh kungibusisile kakhulu,” kutsho uMaNyathi.

UNkosikazi Dolly Moyo yena ubonge umzukulu wakhe esithi nguye omhlawuleleyo ukuthi azehlangana labanye oMama bethokoza lanxa nje umumo ungamanga kuhle elizweni.

Obekudliwa kulumkhosi kugoqela amarayisi, inyama, amakhekhe, inamnede lokunye okutshiyeneyo.

please wait

No media source currently available

0:00 0:03:12 0:00

OMama laba bathole imfundiso evela kudokotela yena obakhuthaze ukuthi bahlale beselula imizimba yabo ekuseni malanga wonke njalo besidla kuhle ukuze balondoloze impilakahle yabo.

Baphinde bathola izipho zengubo munye ngamunye ezivela ebantwaneni babo. Abanengi bamukele ingubo lezi ngenjabulo enkulu nanku phela amakhaza eseqalisile.

Amagabazi ebetshitshimba etshelele esiyale lale kuthi izigxangu lazo bezigxangula kungabi ndaba zalutho
please wait

No media source currently available

0:00 0:01:01 0:00

Lanxa bekudliwa ezifela emlonyeni koBulawayo, umangoye ubelele eziko eHwange Colliery lapho abesifazana abasebenzela linkampani kanye labalabayeni babo abayisebenzelayo bebesendlaleni ngoba sebeleminyaka bengabhadlalwa.

Omunye wabo nguNkosikazi Claris Ngoma yena otshele iStudio 7 ukuthi ukuphathwa kwabo kubi yilinkampani sokwenze oMama balulazeka ngoba bengasenelisi ukugcwalisa konke okubenza babe lesithunzi.

please wait

No media source currently available

0:00 0:02:38 0:00

Facebook Forum

XS
SM
MD
LG