amalinks wokungena

Breaking News

Ingxabangxoza Kubandla leMDC-T Yenza uMajome Ancintise Ezimele


Umeli weHarare West edale lephalamende njalo elilunga leMDC-T ekhokhelwa nguMnu Nelson Chamisa, uNkosazana Jessie Majome uthi uzancintisa kukhetho lokudinga umeli walesi sigaba elilunga elizimeleyo.

UNkosikazi Majome utshele intathelizindaba ngoMvulo ukuthi uthethe inyathelo leli ngoba ibandla lakhe lehluleke ukulungisisa izikhalazo zakhe ngendlela eliqhuba ngayo ukhetho lwama-primaries kulesisigaba.

Uthe ukuncintisa kwakhe ezimele akutsho ukuthi usephumile kubandla leMDC-T.

UMajome wazise ngeviki edluleyo ukuthi akaseyi kuphatheka kuma-primaries ebandla lakhe ngoba eqhutshwa esobala ukuthi inkokheli yeMDC-T ifuna anqotshwe ngosakhulayo abencintisana laye uNkosazana Joanna Mamombe.

“Ngizinikela ebantwini beHarare West ukuthi ngibekhona lami kulolu khetho ukuze bangikhethe njalo nxa befuna ngiqhubeke ngingumeli wabo ephalamende,” kutsho uNkosazana Majome.

“Ngihlangane lomgcinisihlalo webandla uMnu Morgan Nkomichi ekuseni ngamtshela konke okwenze ngangancintisi ngililunga leMDC-T, okugoqela ukuzama ukungifuqela phandle kokhetho lolu.”

Abantu abanengi abahlala eHarare West bathi bazasekela uMajome ngendlela ezitshiyeneyo kumkhankaso wakhe baphinde bamvotele njalo kukhetho oluzayo.

please wait

No media source currently available

0:00 0:04:02 0:00

Facebook Forum

XS
SM
MD
LG