amalinks wokungena

Breaking News

Abasakhulayo Babamba Iqhaza Ekulwisaneni Lodlakela Ngaphambilini Kokhetho


Abasakhulayo bamabandla atshiyeneyo ngoLwesithathu babumbe umanyano wokukhankasela ukuthula elizweni ngaphambilini kokhetho.

Amabandla la agoqela eleZanu PF, amacele eMDC-T, iMDC kaMnu Welshman Ncube, iNational Peoples’ Party, iTransform Zimbabwe, iZAPU lamanye.

Umanyano lo ubizwa ngokuthi yiJoint Youth Liason Committee (JYLC) njalo injongo yawo emqoka ngeyokukhuthaza uzulu ukuthi engaze aphatheka kudlakela.

Lanxa abasakhulayo beZanu PF beyingxenye yalumanyano, bebengekho emhlanganweni lumanyano owenze lentathelizindaba eHarare ngoLwesihlanu.

Inkokheli yomanyano lo ithi ikhangelele ukuthi abasakhulayo bamanye amabandla aphikisayo baze labo babe yingxenye yalumanyano ngoba kungumlandu wawo wonke amabandla ukutshumayela ivangeli lokuthula.

Unobhala wabasakhulayo kuMDC-T ekhokhelwa nguMnu Nelson Chamisa, uMnu Lovemore Chinoputsa uthe abasakhulayo kumele babambane njalo bengaze behlukaniswa ngamabandla abo.

Egwalweni abalwethulele intathelizindaba, abasakhulayo laba bathe kabasoze bavume ukusetshenziswa ukuphela udlakela.

Bathe njalo bakhathazekile ngokusilela kwemisebenzi lamathuba okuzithuthukisa.

Abasakhulayo beZimbabwe yibo abavame ukuphatheka emisebenzini yodlakela behlukuluza abantu ngesikhathi sokhetho, ikakhulu abebandla leZanu PF.

please wait

No media source currently available

0:00 0:04:20 0:00

Facebook Forum

XS
SM
MD
LG