amalinks wokungena

Breaking News

Luyaqhubeka Uhlelo Lokuhlola Amagama Kuluhlu Lwabavoti


Uhlelo lokuhlola amagama kuluhlu lwabantu abazavota kukhetho oluzayo luyaqhubeka namuhla kuzo zonke izigaba zelizwe inengi lisithi luhamba kuhle.

Luqale ngoMgqibelo loluhlelo njalo lugqitshwa ngeviki ezayo mhlaka 29.

Kulendlela ezitshiyeneyo zokuhlola ukuthi igama lakho likhona na kuVoters’ Roll lokuthi libhalwe kuhle yini.

Indlela lezi zigoqela ukutshaya inombolo zocingo ezithi *265# ubusulandela imininingwane oyiphiwa lucingo.

Ungathola njalo iSMS evela kukomishini yezokhetho iZimbabwe Electoral Commission ikubuza ukuthi igama lakho, ikheli kanye lenombolo zesithupha kulotshwe kuhle na.

Uyenelisa njalo ukungena ebulenjini beInternet uye ku-website yalikomishini kumbe uzihambele mathupha ku-polling station eseduzane lawe.

Abanengi abakhulume lalumsakazo bathi bahlole amagama abo besebenzisa umakhalekhukhwini njalo bathi bathole elotshwe kuhle.

I-ZEC ithi abazakwehluleka ukulungisisa amagama abo nxa elotshwe kubi kabasoze bavunyelwe ukuvota.

Omunye wasebehlolile amagama abo uMnu Zenzo Nyoni ongumkhokheli webandla leFederal Democrats of Zimbabwe utshele iStudio 7 ukuthi iZEC ikhanya iqoqekile kakhulu ekuqhubeni loluhlelo.

please wait

No media source currently available

0:00 0:03:05 0:00

Facebook Forum

XS
SM
MD
LG