amalinks wokungena

Breaking News

Izindaba ZesiNdebele, 01 Nhlangula, 2018


Owayebaleke eZimbabwe ngesikhathi kugenqulwa umbuso kaMnu Robert Mugabe, uMnu Savior Kasukuwere ubotshiwe wamiswa emthethwandaba namuhla esetheswa icala lokufohla umngcele ngokungekho emthethweni. UKasukuwere ukhululwe ngemva kokuhlawuliswa i$300 yesibambiso, ibail.

Umanyano weMDC Alliance usuchothoze uMongameli Emmerson Mnangagwa ngokumemezela ilanga lokhetho kungakalungisiswa konke okuhluphayo okungenqabela ukhetho olukhululekileyo.

Abasekeli beMDC-T ekhokhelwa nguMnu Nelson Chamisa koBulawayo babuthene eMabuthweni bechothoza inkokheli yabo ngokubakhethelwa abantu abangabafuniyo abazabamela kukhetho.

Kuhlelo lokuzithokozisa olweWoza Friday silomhlabeleli wengoma zokholo uSibanjana Jr. ehamba leqembu lakhe leImpi Yosindiso bephethe idlalade labo elitsha.

KuLiveTalk sikhangela imikhankaso yamabandla ezombusazwe etshiyeneyo edinga usekelo ngaphambilini kokhetho oluzakwenziwa mhlaka 30 ngoNtulikazi.

Nxa lifuna ukungena kuhlelo lwethu lisithumele iWhatsApp kunombolo ezithi 001 202 465 0318 kumbe libhale ekhasini lethu leFacebook eleVOA Ndebele.

Lingakhuthwa yilezindaba lezinye kuStudio 7 ngo7:30 ntambama kumagagasi athi909am, 4930, 6040 laku15460 kilohertz kuShortwave.

Indaba ZesiNdebele, 1 Nhlangula 2018
please wait

No media source currently available

0:00 0:02:32 0:00

Facebook Forum

XS
SM
MD
LG