amalinks wokungena

Breaking News

Mnangagwa: Abazahlola Ukhetho Kumele Babeyazi Imithetho Yethu


UMongameli Emmerson Mnangagwa ngeSonto uxwayise abakwamanye amazwe abazahlola ukhetho ukuthi kumele babeyazi imithetho yezokhetho eZimbabwe ukuze baqhube kuhle umsebenzi wabo.

UMnangagwa wethule amazwi la emngcwabeni weqhawe lesizwe uMnu John Chimbandi emathuneni eNational Heroes Acre, eHarare.

UMnangagwa ugcizelele isithembiso sakhe sokuthi uzaqhuba ukhetho olukhululekileyo.

UChimbandi wasebenza kuhulumende okwesikhathi eside emela iZimbabwe emazweni atshiyeneyo.

Ubhubhe ngeviki edluleyo njalo umngcwabo wakhe ubulabantu abalutshwana nxa kuqathaniswa labantu ababevame ukuyaphelekezela amaqhawe eHeroes Acre ngesikhathi sikaMnu Robert Mugabe.

“Ngivumelani ngikhuthaze labo abazakuza ukuzabona ukhetho lwethu luqhutshwa ukuba bayizwisise imithetho yethu elawula ngezokhetho ukuze bathembeke lapho behlolisisa izikhalazo eziyabe zithe zavela,” kutsho uMnangagwa.

UMongameli Mnangagwa ukhuthaze amabandla ezombusazwe ukuthi aqhube imikhankaso yawo ngokuthula kungekho dlakela.

Amazwi akhe agcizelelwe yisiphathamandla seZanu PF uMnu Jorum Gumbo.

“Kungaze kwaba lokuthi siyahluphana siyalwa phakathi kwethu ngoba ilizwe ngelethu sonke,” kutsho uMnu Gumbo.

UChimbandi ubhubhele esibhedlela seArundel Clinic eHarare mhlaka 2 ngemva kokuhlaselwa yisifo senhliziyo okwesikhathi eside.

please wait

No media source currently available

0:00 0:02:17 0:00

Facebook Forum

XS
SM
MD
LG