amalinks wokungena

Breaking News

Uluhlu lweVoters' Roll Alukaphumi Lanxa Sokusele Amalanga Amathathu Kuphela Ukuthi Kuyiwe kuNomination Court


Sokusele amalanga amathathu kuphela ukuthi umthethwandaba weNomination Court wamukele amagama abantu abazancintisa kukhetho.

Kodwa isimanga yikuthi iZimbabwe Electoral Commission ilokhu ingakethuli ugwalo lwabantu abazavota olwevoters roll.

Embikweni ewethule ngeSonto iZEC ithe umthethwandaba wokwamukela amagama alabo abazancintisa kukhetho lukaMongameli uzahlala eHarare High Court ngoLwesine.

Isabelo sinye ngasinye silomthethwandaba owodwa ozabhalisa abafuna ukuncintisa kukhetho lwamalunga edale lephalamende.

KoBulawayo umthethwandaba lo azabhalisa abantu uhleli kuCourt 5 eMagistrates Court.

OweMatabeleland North uzahla eWest Commonage koBulawayo kuthi oweMatabeleland South wona uzabhalisa abantu useGwanda Magistrates Court.

Kodwa ukungethulwa kwe-voters’ roll yinto ekhathaza abantu abanengi.

Umthetho uthi iZEC kumele yethulele amabandla kanye lozulu ivoters’ roll uMongameli engakamemezeli ilanga lokhetho.

Abancintisayo kukhetho kumele babe logwalo lolu ukuze nxa sebedinga abazabafakazela eNomination Court badinge abantu ababhalisele ukuvota.

Uzulu laye kumele abe leqiniso lokuthi ubhalisile ukuze afakazele oncintisayo.

Kodwa kuze kube namuhla sokusele insuku ezintathu kuphela ikomishini yezokhetho ayikayethuli ivoters’ roll.

Le yinto esolwa ngabamabandla aphikisayo labantu makhaza abathi mhlawumbe bukhona ubukopokopo obusazanywa nguhulumende leZEC ukuqilibezele kukhetho.

Ingcwethi kwezombusazwe uMnu Effie Dlela Ncube uthi izehlakalo ezinje zizakwenza kubenzima ukuthi ukhetho lube ngolukhululekileyo.

please wait

No media source currently available

0:00 0:04:23 0:00

Facebook Forum

XS
SM
MD
LG