Bangamatshumi amabili lantathu abantu ababhalisele ukuncintisa kukhetho lokudinga uMongameli weZimbabwe emthethwandaba weNomination Court eHarare izolo.
Lokhu ngokwakuqala embalini yelizwe ukuthi kube labantu abanengi kangaka abancintisayo kulesi sikhundla.
Abantu laba bagoqela uMnu Nelson Chamisa oweMDC Alliance, uMnu Emmerson Mnangagwa oweZanu PF, uNkosazana Thokozai Khupe oweMDC-T loNkosikazi Joice Mujuru oweRainbow Coalition.
UMnu Lovemore Madhuku uzamela ibandla lakhe leNCA, uMnu Elton mangoma uzamela umanyano wCoalition of Democrats kuthi uMnu Noah Manyika amale iBuild Zimbabwe Alliance.
Abanye babalisa uMnu Busha Joseph Makamba oweFree Zimbabwe Congress, uChiguvare Tonderai Johannes owePeople’s Progressive Party, uMnu Daniel Shumnba oweUnited Democratic Alliance, uMnu Nkosazana Moyo oweAlliance for the people’s Agenda labanye.
Umhlabeleli uBryn Taurai Mteki laye uyancintisa elilunga elizimeleyo.
Olwela amalungelo oluntu uMnu Difa Dube uthi lanxa kulilungelo lakhe wonke umuntu ukungena kukhetho, ukuminyezelana kwabantu abanengi kangaka kukhetho lukaMongameli yinto ebuyisela umzabalazo wombuso okhululekileyo emuva.