amalinks wokungena

Breaking News

Isabalele Ngelizwe Imanyano Yamabandla Aphikisayo Ikhankasela Ukhetho


Imanyano yamabandla aphikisayo ebalisa oweMDC Alliance, oweCoalition of Democrats lowePeople’s Rainbow Coalition ibisabalele ngelizwe ngoMgqibelo ikhankasela ukhetho.

Umanyano okhokhelwa nguMnu Nelson Chamisa oweMDC Alliance wenze umhlangano wawo eBinga lapho uChamisa acele khona uzulu ukuthi amvotele.

UMnu Chamisa uthe impilo zabantu zingathuthuka kuphela nxa umanyano wakhe ungangena embusweni.

Ngokunjalo, ucele uzulu weBinga ukuthi amvotele abe nguMongameli njalo avotele amalunga eMDC Alliance kukhetho lwamalunga edale lephalamende lolwamakhansila.

EHarare khona umkhokheli weCoalition of Democrats uMnu Elton Mangoma wenze owakhe umhlangano wachothoza uMongameli Emmerson Mnangagwa esithi akulalutho olutsha angalulethela uzulu.

Wengeze wathi eleZimbabwe lisedakeni elikulo nje kungenxa yombuso omubi webandla leZanu PF loMnangagwa.

Amazwi kaMangama agcizelelwe ngumkhokheli womanyano wePeople’s Rainbow Coalition uNkosikazi Mujuru emhlanganweni awenzele koBulawayo.

Imanyano yomithathu iyaqhubeka ngemikhankaso yayo ngeSonto.

please wait

No media source currently available

0:00 0:01:36 0:00

Facebook Forum

XS
SM
MD
LG