amalinks wokungena

Breaking News

Ezemaphandleni: Izakhamizi zeGungwe Zikhala Ngedamu Elikade Ladubuka


Lapho amanzi adubula khona umbundu wedamu leGunwe ngomnyaka ka2016
Lapho amanzi adubula khona umbundu wedamu leGunwe ngomnyaka ka2016

Izakhamizi zeGungwe, eGwanda South, zithi zibhekane lodubo lwamanzi ngoba idamu lazo eladubuka ngo2016 lilokhu lingakalungisiswa lanamuhla.

Zithi sesiside isikhathi zikhalaza kuhulumende ukuthi azilungisele idamu leGungwe kodwa akulaluthi aselwenzile.

“Imbuzi zinatha esikotsho, abantu amanzi okunatha esikotsho, izimvu ezikotsho, inkomo esikotsho, amadonki esikotsho konke esikotsho,” kutsho ukhansila walindawo uMnu Johnson Mangwangwa.

Okulichibi okwasalayo lapho osokunatha khona izifuyo nxa izulu lithe lana
Okulichibi okwasalayo lapho osokunatha khona izifuyo nxa izulu lithe lana

“Kubuhlungu kakhulu, khathesi asisakwazi vele ukuthi sizakuya ngaphi. Sibona sizintandane. Sicela lina abamaphephandaba likufake kufront page kwazakale ukuthi koChief Mathe abantu bazakufa akulamuntu osikhangeleyo akula mpendulo esiyizuzayo kubuhlungu kakhulu.

Izifuyo zalindawo sezihamba umango omude ukuyanatha kuThuli lapho ezilakho ukutshonthswa ngamasela abikwa ebhahile kulumango.

Izigaba ezinatha kudamu leGungwe zigoqela eleMalitlou, Makokwe, Simbuka, Ntshwangu leleMawaza.

Ekudubukeni kwalelidamu omanjinela beZinwa bathi kuzafuneka amadola azinkulungwane ezilikhulu ukuze lilungiswe. Kodwa limali ilakho ukuba isiqongile.

please wait

No media source currently available

0:00 0:04:51 0:00
XS
SM
MD
LG