amalinks wokungena

Breaking News

UMnu Nkosana Moyo Wethula iManifesto Yebandla Lakhe


Nkosana Moyo manifesto
Nkosana Moyo manifesto

Umkhokheli webandla leAlliance for the People’s Agenda uMnu Nkosana Moyo ngoLwesithathu wethule ugwalo lwezithembiso athi uzazenzela uzulu alubana ethe wanqoba kukhetho oluzayo.

UMoyo wethulele imanifesto yakhe le eHarare lapho akhuthaze khona uzulu ukuthi amvotele abe nguMongameli weZimbabwe ngoba elolwazi olujulileyo ngokumele kwenziwe ukuhlenga ilizwe edakeni elikibo.

Uxwayise uzulu njalo ukuthi engaze avotela uMongameli Emmerson Mnangagwa lebandla lakhe leZanu PF ngoba akulalutho olutsha abangalulethela abantu.

“Nxa sikhangele ukuthi ilizwe leli singalilungisa njani singakhangeli ama-resources esilawo, kumele sikhangele ukuthi thina ingqondo zethu zisebenza njani ngoba ukufa kwelizwe okunengi kusengqondweni zethu singakazihluphi ngokuyadinga uncedo kwamanye amazwe,” kutsho uMoyo.

Ekhuluma ngohlupho lwenkohlakalo olubhahileyo elizweni uMnu Moyo uthe iZanu PF kayisoze iluqede loluhlupho ngoba inkokheli yalelibandla kuyiyo ephatheke kulo.

“Into ye-corruption kumele sivele singayivumeli ukuthi ibekhona; nxa umtanakho engaba corrupt kumele umtshiye aye ejele ukuthi ilizwe lilunge,” uqhubeke etsho uMoyo.

Osakhulayo kubandla likaMoyo, uNkosazana Nobuhle Nyamanza uthe ontanga kumele bazi ukuthi ikusasa yabo ime ngaphi ngoba kuyibo abasenkingeni ngodubo oluselizweni.

“Njengentsha kumele sivotele uMongameli ozasiphenduza endaweni yethu Phakathi kwamanye amazwe elethe intuthuko lapha eZimbabwe njengakudala.

Ibandla leAPA lizancintisa kukhetho lokudinga uMongameli, amakhansila kanye lamalunga edale lephalamende. Kodwa abantu abanengi kabaliboni njengebandla elilosekelo.

please wait

No media source currently available

0:00 0:04:18 0:00
XS
SM
MD
LG