amalinks wokungena

Breaking News

Nkosana Moyo: Umnotho weZimbabwe Ufuna Umuntu Okhaliphileyo Njengami


Nkosana Moyo
Nkosana Moyo

Umkhokheli webandla leAlliance for the People’s Agenda uMnu Nkosana Moyo uthi eleZimbabwe lingahlengwa kuphela ebunzimeni elikibo nxa uzulu engavotela uMongameli ojule ubuchopho kwezamabhizimusi njengaye.

UMoyo ukhulume amazwi la eseJahunda Hall eGwanda ngeSonto lapho ayethule khona imanifesto yakhe.

“Into yombuso oqotho ayikho, kulapho okumele siqalise khona khonapho ukuze i-economy siyilungise, i-infrastructure siyilungise izibhedlela sizilungise izikolo sizilungise,” kutsho uMnu Moyo.

please wait

No media source currently available

0:00 0:01:42 0:00

Ugcizelele wathi engangena embusweni, uhulumende wakhe uzalwisana lenkohlakalo njalo uzakhetha abaphathintambo abalutshwane abafundele umsebenzi kungakhathalekile ukuthi ngabaliphi ibandla lezombusazwe.

Ekhuluma mayelana ngesikhathi sakhe esangumphathintambo phansi kukahulumende kaRobert Mugabe, uMoyo uthe uMugabe wayengamlaleli yikho nje waphanga watshiya umsebenzi.

“Ngabona ukuthi uMugabe wayengalaleli izinto engangimtshela zona ngisithi lapha yenza so, wayengangilaleli yikho mina ngaphuma lowomsebenzi.”

Omunye wabangene lumhlangano njalo olilunga leAPA, uMnu. Kudakwashe Zulu uthe ubona uMoyo enguye yedwa olungele ukukhokhela eleZimibabwe.

“Indaba ye-corruption yiyo esibulele ilizwe njalo lendaba yokuthi siyabandlululana thina sodwa asikhangelani kuhle njengabantu sikhangelelana emanzini, so sokuyisikhathi sitshintshe siguqule izinto,” kutsho uMnu Zulu.

UMnu Moyo uthe ulokujabula okukhulu ngoba abantu abanengi bamukele kuhle imanifesto yakhe.

Wengeze wathi kavumelani lalabo abathi umncintiswano kukhetho lukaMongameli uphakathi kukaMongameli Emmerson Mnangagwa loMnu Nelson Chamisa kuphela.

XS
SM
MD
LG