amalinks wokungena

Breaking News

Basesimeni Esibi Kakhulu Abalimalele Ekudubukeni 'Kwebhomba' Emhlanganweni weZanu PF


Abantu abalimalele kusehlakalo sokudubuka kwesikhali esinakanelwa ukuthi libhomba emhlanganweni weZanu PF ngoMgqibelo bangamatshumi phose amahlanu, 49, kutsho amapholisa.

Iziphathamandla zesibhedlela seMpilo koBulawayo lazo zibika ukuthi abanye babantu abalaliswe kulesisibhedlela balimele kabuhlungu njalo basesimeni esibi.

Umkhokheli weMpilo Hospital uDokotela Solwayo Ngwenya uthi kulabantu abangamatshumi amabili lathobamunwemunye abathwalelwe esibhedlela lesi.

Uthi abalitshumi lantathu babo belatshwe bahle babuyela emakhaya kwathi abalitshumi lasithupha balokhu belalisiwe.

please wait

No media source currently available

0:00 0:02:05 0:00

“Laba abagula kakhulu abanye bahanjiswe ukuyahlinzwa ngoba impilo zabo besezimi kabi. Okwanamuhla izigulane lokhe zikhona lezi ezilitshumi lesithupha abanye bambethe ezibomvu ikanti abanye sebengcono basemawadini,” kutsho uDokotela Ngwenya.

“Abanye balimala kakhulu bephuka inyawo njalo zizalungiswa ngokuhamba kwesikhathi. Sibafisela ukuba babuyele njalo empilweni kahle.

Umzali olendodana elimeleyo kulingozi njalo elaliswe esibhedlela seMpilo uMaPhiri uthe indodana yakhe ingasila uzayikhuthaza ukuba itshiyane lezombangazwe ngoba zilengozi.

Abanye abalimeleyo bayelatshwa esibhedlela seUnited Bulawayo Hospitals.

Umsakazo weZimbabwe Broadcasting Corporation uthi iziphathamanda zeZanu PF ebezithwalelwe esibhedlela seMater Dei sezidluliselwe esigodlweni iHarare lapho eseziselatshwa khona.

Facebook Forum

XS
SM
MD
LG