Abamabandla Aphikisayo Bathi Uhulumende Engabavikela Njani Yena Ehluleke Ukuvikela uMnangagwa

Ayanda amabandla aphikisayo athi kafuni ukuthi abakhokheli bawo baphiwe abantu ababavikelayo nguhulumende ngaso sonke isikhathi kuyiwa kukhetho.

Uhulumende wazise ukuthi uzavikela inkokheli yamabandla ancintisayo ngemva kwesehlakalo sebhomba elibulale abantu ababili njalo lalimaza abanengi emhlanganeni kaMongameli Emmerson Mnangagwa eWhite City koBulawayo ngoMgqibelo.

Kodwa ibandla leMDC-T elikhokhelwa nguMnu Nelson Chamisa libe ngelakuqala ukwazisa ukuthi kaliyifuni isecurity kahulumende.

UChamisa uthi yena kesabi lutho ngoba elikholwa elithandazayo njalo uthi uzulu weZimbabwe kalaso isizatho sokumhlasela lanxa engaze engene emphakathini ezihambela yedwa.

Unobhala obona ngokuqoqwa kwenhlelo zeMDC ekhokhelwa nguMnu Welshman Ncube, uNkosazana Rita Ndlovu utshele iStudio 7 ukuthi labo kabafuni ukuvikelwa nguhulumende.

Embed share

Ingxoxo loNkosazana Rita Ndlovu

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:32 0:00

Lapho esitholakala khona

• 48 kbps | MP3
• 16 kbps | MP3
• 32 kbps | MP3

Ukudlala

Abanye bathi kuyamangalisa ukuthi uhulumende engafuna ukuvikela abamabandla aphikisayo njani yena ehluleke ukuvikela uMongameli Mnangagwa nanku ephose wabulawa libhomba eWhite City.