amalinks wokungena

Breaking News

'Umhlangano kaMnangagwa Awusabanga Khona eHwange Ngoba Bekungelabantu'


UMongameli Emmerson Mnangagwa ukhangelelwe ukuphuma elizweni namhlanje elubhekise elizweni elingakaziwa ngemva kokwehluleka ukuqhuba umhlangano wokukhankasela ukhetho eHwange izolo.

UMnangagwa ubemele enze umhlangano lo ngemva kokusungula umsebenzi wokwakhiwa kwesititshi samagetsi esitsha kulelidolobho.

Kodwa ngezizatho ezingaziwayo, uMnangagwa uthe esuka esititshini lesi wahle wabuyela eHarare watshiya abasekeli beZanu PF ekade bebuthene enkundleni yeColliery bedanile.

Lanxa isikhulumeli sakhe, uMnu George Charamba, esithi uMnangagwa ubevele engelayo injongo yokwenza umhlangano eHwange, amaphephandaba kahulumende ebethe ngempela umhlangano lo ukhona.

Iziphathamandla zeZanu PF lazo bezikufakazile lokhu. Kucatshangelwa ukuthi umhlangano lo ungaba ungasenziwanga ngoba bekulabantu abalutshwana.

Abanye bathi mhlawumbe uMnangagwa wesabile ngemva kokukhuthwa libhomba elibulale abantu ababili emhlanganweni awenzele koBulawayo ngeviki edluleyo.

Facebook Forum

XS
SM
MD
LG