Iqembu leFrance Selingenile kumaSemi-Finals eFIFA World Cup

Iqembu leFrance lifinyelele kumasemi-finals omncintiswano we2018 FIFA World Cup ngoLwesihlanu ngemva kokunqoba eleUruguay nge 2 ka 0.

Abahlohlele leliqembu nguRaphael Varane loAntoine Griezmann.

Olandela limidlalo uSibonakaliso Ndlovu uthi ujabule kakhulu ngokunqoba kweFrance ngoba sekuyilo iqembu eselikhangelelwe linengi ezwekazi leAfrica.

Kumdlalo wesibili wehlandla elifanayo iqembu leBrazil lizadibana leleBelgium. Elizanqoba yilo elizadibana leleFrance ngoLwesibili.

NgoMgqibelo iSweden izangqikilana leEngland ngehola lesine emini yantambama kuthi emdlalweni wantambama eleRussia lizabhuqana leleCroatia.

Amaqembu azatshaywa kumasemi-final azadibana ngoMgqibelo sekudingwa iqembu elizaphutsha lisendaweni yesithathu kuthi ifinal izadlalwa ngeSonto mhla zilitshumi lanhlanu kuNtulikazi.

Embed share

Udaba Siluphiwa nguJoseph Njanji

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:51 0:00

Lapho esitholakala khona

• 48 kbps | MP3
• 16 kbps | MP3
• 32 kbps | MP3

Ukudlala