amalinks wokungena

Breaking News

Chamisa: Libuye eHarare Ngobunengi Sizotshengisela ngoLwesithathu Sisola iZEC


Umkhokheli weMDC Alliance uMnu Nelson Chamisa ngeSonto ukhuthaze uzulu ukuthi aphatheke ekutshengiseleni okuqoqwa ngumanyano wakhe eHarare ngoLwesithathu usola indlela iZimbabwe Electoral Commission eqhuba ngayo amalungiselelo okhetho.

UMnu Chamisa wethule inkuthazo le emhlanganweni wakhe wokukhankasela ukhetho ongenwe zinkulungwane lenkulungwane zabantu esigabeni seMarondera.

Ukhuthaze njalo uzulu weZimbabwe ukuthi avote ngobunengi mhlaka 30 ukuze kukhitshwe ibandla leZanu PF embusweni.

Ekhuluma ngazakwenza engangena embusweni, uChamisa uthembise ukulungisisa konke okuhluphayo elizweni okugoqela ukusilela kwemali lemisebenzi ukuze ethuthukise inhlalakahle kazulu.

UChamisa uyilandile imbiko ethi ujonge ukukhetha uNkosikazi Grace Mugabe ukuba ngumsekeli wakhe kuhulumende weMDC Alliance.

Kodwa uthe nxa uMnu Robert Mugabe lemuli yakhe bemsekela njalo befuna ukumvotela, uyakwamukela lokho.

Uphinde wathembisa njalo ukuthi phansi kukahulumende wakhe imihlobo yonke yabantu etholakala eZimbabwe izaphiwa izikhundla lamathuba alinganayo kungela nkethabetshabi.

please wait

No media source currently available

0:00 0:02:51 0:00

Facebook Forum

XS
SM
MD
LG