amalinks wokungena

Breaking News

Inkantolo Ithetha Udaba lweBallot Paper 'Eyamele kuMnangagwa'


Umthethwandaba weHigh Court namuhla uzathetha udaba olukhwezwe libandla lePeople’s Democratic Party lona eliphikisa indlela iZimbabwe Electoral Commission (ZEC) ehlele ngayo iphepha lokuvotela kukhetho lukaMongameli.

Ibandla leli lithi iZEC uhlele iballot paper leli ngendlela esekela uMongameli Emmerson Mnangagwa, oncintisa emela ibandla leZanu PF.

Lanxa umthetho weElectoral Act ukubeka sobala kusahluku 57 ukuthi iballot paper likaMongameli kumele libe luluhlu olulodwa njalo amabizo abancinisayo kumele ahlelwe ngokulandelana kwawo kualphabet, iZEC yenze iphepha leli laba mbaxambili njalo yafaka uMnangagwa phezulu esandleni sokudla.

Ngokunjalo ibandla lePDP lithi ikomishini yezokhetho yenze lokhu ngendlela yokuncedisa uMnangagwa ukuthi ibizo lakhe libonakale kalula ngabatnu abavotayo.

Alubana iZEC ilandele umthetho, ibizo likaMnangagwa belizakuba semsamo. IPDP imelwa ngamaqwetha enhlanganiso yeZimbabwe Lawyers for Human Rights.

Umqoqi wenhlelo zeMDC-T kaNkosazana Thokozani Khupe eMelika, uMnu Muzi Ncube uthi nxa inkantolo isebenza ngokuqotho, kumele inqume ukuthi iZEC yephula umthetho njalo ibuye iyibambe ngamandla ukuthi idinde iphepha elitsha.

please wait
Embed

No media source currently available

0:00 0:04:37 0:00
XS
SM
MD
LG