amalinks wokungena

Breaking News

Abazahlola Ukhetho Baqhubeka Betheleka Elizweni Ngobunengi


Abakwamanye amazwe abamela inhlanganiso ezitshiyeneyo abazahlola ukhetho lweZimbabwe baqhubeka betheleka elizweni ngobunengi.

NgoMvulo kufike iqula lomanyano weCommonwealth elikhokhelwa ngowake waba nguMongameli weGhana uMnu John Mahama labenhlanganiso ekhankasela ukulondolozwa kwamalungelo oluntu iHuman Rights Watch.

Uhulumende weMelika laye ukhangelelwe ukuthumela iqula elikhokhelwa nguSenator Jeff Flake kuliviki.

Inhlanganiso ezizimeleyo kulelilizwe ezibalisa iNational Democratic Institute leInternationalRepublican Institute lazo zizathumela iqula elikhokhelwa ngowake waba nguMongameli weLiberia uNkosikazi Ellen Johnson Sirleaf.

Inhloli zeSadc zona ziselizweni njalo zitshele intathelizindaba ngempelaviki ukuthi zilethemba lokuthi ukhetho luzaqhuthswa kuhle kungela kudlelezela.

Ingcwethi ecubungula ezombusazwe uMnu Effie Dlela Ncube utshele iStudio 7 ukuthi abahloli bokhetho laba baqakathekile kakhulu ngoba yibo abazakutsho ukuthi belukhululekile yini kumbe hatshi.

please wait

No media source currently available

0:00 0:02:07 0:00

Facebook Forum

XS
SM
MD
LG