amalinks wokungena

Breaking News

ZEC: Simangalele uMnangagwa loChamisa Emapholiseni


Ikomishini yezokhetho ithi isimangalele umkhokheli weMDC Alliance uMnu Nelson Chamisa loMongameli Emmerson Emmerson Mnangagwa emapholiseni phezu kwecala lokuqhubeka bekhankasa isikhathi esivunyelwa ngumthetho sesedlule.

Iziphathamandla zeZimbabwe Electoral Commission zithi uChamisa wephume umthetho weElectoral Act ngokudinga usekelo emhlanganweni awenzele eHarare lentathalizindaba ngempelaviki.

Umthetho uthi akulamuntu ovunyelwa ukuqhubeka ekhankasa nxa sokusele amahola angamatshumi amabili lane ukuthi kwenziwe ukhetho.

Lanxa umgcinisihlalo weZEC uNkosikazi Priscilla Chigumba engambethanga ngegama uMnangagwa, osiyazi bathi ngempela ungomunye wabamangalelwe yiZEC ngemva kokwethula ivideo ngeSonto ekhuthaza abantu ukuthi bengaze bavotela uChamisa ngoba ukwenza njalo kuyikuvotela uMnu Robert Mugabe.

Ekhuluma lentathelizindaba eHarare, uChigumba uthe ikomishini yakhe “ikhathazekile kakhulu ngokwenziwe ngababili laba lanxa engabaqambanga ngamabizo.”

please wait

No media source currently available

0:00 0:00:30 0:00

Kodwa igqwetha uMnu Lucas Nkomo utshele iStudio 7 ukuthi ngobufakazi abubonileyo, ongaba edale icala lokukhankasa isikhathi esibekiweyo sesedlule nguMnangagwa, hatshi uChamisa.

please wait

No media source currently available

0:00 0:02:21 0:00

Facebook Forum

XS
SM
MD
LG