amalinks wokungena

Breaking News

Christian Alliance: Siyakuchothoza Ukuhlukuluzwa Kwabantu Libutho


Umanyano wenhlanganiso zamakholwa esiKhristu oweChristian Alliance ususole ukuhlukuluzwa mahlayana kwabantu libutho okubikwa kuqhubeka eHarare.

Umanyano lo uthi uMongameli Emmerson Mnangagwa kumele angenele kuqedwe ubudlova lobu.

Amasotsha la abikwa ehamba etshaya abantu emalokitshini afana leMabvuku ebethesa umlandu wokusekela iMDC Alliance.

Abulale abantu abayisithupha ngeviki edluleyo ngoLwesithathu ngesikhathi abasekeli beMDC Alliance besola impumela yokhetho ngokutshengisela ezitaladeni.

“Thina sibona lindaba iyindaba ebuhlungu kakhulu ngoba besitshumayela ivangeli lokuthula ukhetho lungakenziwa,” kutsho umqondisi weChristian Alliance uMnu Useni Sibanda.

“Yilo ivangeli esilokhu siliqhuba lakhathesi ukhetho solwedlule. Ngakho lindaba iyasihlukuluza kakhulu; abantu kabamelanga behukuluzwe ngamabutho.

please wait

No media source currently available

0:00 0:03:17 0:00

Amazwi kaSibanda agcizelelwe lilunga leZanu PF uMnu Joseph Tshuma.

“Ayisiyonto esingayisekela leyo. UMnangagwa kumele angenele ilungisiswe lindaba. Ukuhlukuluza abantu yinto embi,” kutsho uTshuma.

please wait

No media source currently available

0:00 0:04:45 0:00

Facebook Forum

XS
SM
MD
LG