amalinks wokungena

Breaking News

UChamisa Uphikisa Impumela Yokhetho Enkantolo


UMnu Nelson Chamisa loMongameli Emmerson Mnangagwa
UMnu Nelson Chamisa loMongameli Emmerson Mnangagwa

Umanyano weMDC Alliance ukhangelelwe ukuphikisa impumela yokhetho lukaMongameli emthethwandaba kuliviki.

Isisekelo sombuso siyakuvuma ukuthi onqotshiweyo aphikise impumela yokhetho lolu phakathi kwensuku eziyisikhombisa ngemva kokumenyezelwa kwalimpumela.

Lokhu kutsho ukuthi umkhokheli weMDC Alliance uMnu Chamisa kumele abe esekweze isikhalazo sakhe emthethwandaba kusiyafika umhlaka10 Ncwabakazi.

Iqgwetha kundaba zesisekelo sombuso uMnu Lovemore Madhuku, ongomunye wabanqotshiweyo kukhetho lokudinga uMongameli uthi nxa uChamisa efuna ukuphikisa impumela le kumele ahambe elobufakazi bamaV11 forms.

“Isisekelo sombuso siyavumela olensolo ukuthi aye emthethwandaba ayephikisa impumela yokhetho lolo,” kutsho uMadhuku.

Isisekelo sombuso sithi uMongameli kumele agcotshwe ngemva kwensuku eziyisitshiyagalolunye kwethulwe impumela yokhetho nxa ingaphikiswanga.

Kodwa njengoba uChamisa esiya enkantolo, uMadhuku uthi umthethwandaba kumele wethule isinqumo sawo ngemva kwensuku ezingamatshumi lane.

Abasekeli bakaChamisa sebekhangelele ukuthi akhweze udaba lolu enkantolo kuliviki lanxa nje abanye besithi kabalalo Ithemba ngoba imithethwandaba isebenza yeyamele kubandla leZanu PF.

please wait

No media source currently available

0:00 0:02:20 0:00
XS
SM
MD
LG