amalinks wokungena

Breaking News

Uhulumende weZambia Uyachothozwa Ngokuncitsha uBiti Ubuphepheli


Abakhankasela ukulondolozwa kwamalungelo oluntu sebesole uhulumende weleZambia ngokuncitsha isiphathamandla somanyano weMDC Alliance uMnu Tendai Biti ubuphepheli kulelolizwe.

Umphathintambo obona ngobudlelwano beZambia lamanye amazwe uMnu Joseph Malanji uthi uBiti uncitshwe ubuphepheli ngoba ubalekela amacala aqotho.

UBiti wetheswa amacala atshiyeneyo agoqela elokuphehla udlakela lelokumemezela impumela yokhetho esithi uMnu Nelson Chamisa nguye owayenqobile kukhetho lukaMongameli welizwe.

Inhlanganiso yeHuman Rights Watch (HRW) ithi uMnu Biti uncitshwe ubuphepheli labanye abahlanu angene labo kweleZambia ababalisa igqwetha uMnu Nqobizitha Mlilo, uZachariah Godi, uMnu Tawanda Chitekwe, uKudakwashe Simbaneuta loMnu Clever Rambanepasi.

Umqondisi weHRW ezansi yezwekazi leAfrica uMnu Dewa Mavhinga uthi uhulumende weZambia engabuyisela uBiti eZimbabwe uyabe ephule umthetho wamazwe omhlaba olawula ukulondolozwa kweziphepheli.

Ngokunjalo uthi, eleZambia akumelanga limphindisele emuva ngoba elakho ukulinyazwa kumbe ukubulawa eZimbabwe.

Ucele inhlanganiso yeAfrican Union, umanyano weSadc kanye lamazwe omhlaba ukuthi angenele amise ukuhlukuluzwa kwamalunga eMDC Alliance nguhulumende weZimbabwe.

Igqwetha laseZambia elimela uBiti labanye bakhe uMnu Gilbert Phiri ubikwa ezacela umthethwandaba weZambia namuhla ukuthi uvimbe ukubuyiselwa kwabo ekhaya.

Isiphathamandla seMDC Alliance njalo engowebandla likaBiti elePeople’s Democratic Party (PDP) uMnu Edwin Ndlovu usole uhulumende weZambia ngendlela aphethe ngayo udaba lukaBiti.

please wait

No media source currently available

0:00 0:05:23 0:00

Amagqwetha wona athi eleZambia lephula umthetho wamazwe omhlaba ngokuzama ukubiyisela uBiti eZimbabwe. Omunye wabo nguMnu Maqhawe Mpofu.

please wait

No media source currently available

0:00 0:03:54 0:00

Facebook Forum

XS
SM
MD
LG