amalinks wokungena

Breaking News

Inkantolo yeZambia Ivimba Ukubuyiselwa kukaBiti eZimbabwe


Umthethwandaba weHigh Court kweleZambia wethule isinqumo namuhla ekuseni uvimba uhulumende wakulelolizwe ukubuyisela uMnu Tendai Biti eZimbabwe ngemva kokumncitsha ubuphepheli.

UBiti, oyisiphathamandla somanyano weMDC Alliance ubalekele kweleZambia ngoLwesithathu esiyadinga ubuphepheli ngoba esithi impilo yakhe isengozini enkulu eZimbabwe.

Umphathintambo obona ngobudlelwano beZambia lamanye amazwe uMnu Joseph Malanji uthi bancitshe uBiti ubuphepheli ngoba ubalekela amacala aqotho.

Ngokunjalo, uthi kumele abuyiselwe eZimbabwe ayekwahlulelwa.

UMnu Biti wetheswa amacala atshiyeneyo agoqela elokuphehla udlakela lelokumemezela impumela yokhetho esithi uMnu Nelson Chamisa nguye owayenqobile kukhetho lukaMongameli welizwe.

Kodwa kusinqumo sakhe, umahluleli weHigh Court kweleZambia uGertrude Chawatama uthe uBiti kumele aphiwe ithuba lokuma phambi komthethwandaba kulelolizwe atsho ukuthi kungani edinga ubuphepheli.

UChawatama uthe uBiti uzayibeka indaba yakhe phambi kwenkundla ngehola lesitshiyagalombili ekuseni namhlanje.

Kodwa kulembiko ekhomba ukuthi iziphathamandla zeleZambia zingaba zizama ukumbuyisela ngamandla uBiti kweleZimbabwe zisala ukulandela isinqumo sikaJustice Chawatama.

Facebook Forum

XS
SM
MD
LG