amalinks wokungena

Breaking News

UBiti Uzaphindela Njalo Emthethwandaba Namuhla


Isiphathamandla somanyano weMDC Alliance uMnu Tendai Biti, yena obotshwe ngoLwesine ngemva kokuncitshwa ubuphepheli kweleZambia uzamiswa njalo eHigh Court eHarare namuhla.

UBiti ukhululwe ngumthethwandaba izolo gemva kokuhlawuliswa amadollar azinkulungwane ezinhlanu njalo wathathelwa ipassport yakhe.

Ulaywe ngumahluli ukuthi azinikele emapholiseni kabili ngelanga njalo engaze akhuluma labafakazi bakahulumende.

UMnu Biti wetheswa icala lokumemezela impumela yokhetho esithi umkhokheli weMDC Alliance uMnu Nelson Chamisa nguye owayenqobile kanye lelokuphehla udlakela.

Ekumisweni kwakhe enkantolo namuhla, amagqwetha akhe athi azakhonona ngendlela uBiti abotshwe ngayo acele njalo ukuthi amacala awetheswayo esulwe.

Facebook Forum

XS
SM
MD
LG