amalinks wokungena

Breaking News

'Akuphele Ukuhlukuluzwa Kwamalunga eMDC Alliance'


Amazwe angentshonalanga agoqela eleMelika sesole uhulumende weZimbabwe ngokuhlukuluza abasekeli bomanyano weMDC Alliance abagoqela uMnu Tendai Biti, yena oncitshwe ubuphepheli kweleZambia wasebotshwa wabuyiselwa ekhaya.

Abameli bamazwe agoqela eleAustralia, eleCanada, umanyano weEuropean Union leMelika eHarare bethule umbiko wabo izolo bechothoza uhulumende njalo bemkhuthaza ukuthi alondoloze amalungelo kaBiti ngokugcweleyo.

Ugatsha lweMelika olubona ngokudlelana kwalelilozwe lamanye amazwe luthi solunqolonge umeli weZimbabwe eWashington kanye loweZambia ukuthi bazechasisa ngokwalelwa kukaBiti ubuphepheli kweleZambia lokuhlukuluzwa kwakhe eZimbabwe.

Luthi uhulumende weMelika ukhathazekile ngokwenzakalayo eZimbabwe. Luthi njalo iMelika ilakho ukujezisa eleZambia ngokubuyisela uBiti eZimbabwe.

Kusenjalo abalwela amalungelo oluntu labamabandla aphikisayo sebechothoze uMongameli Emmerson Mnangagwa phezu kwamazwi akhe okuthi uMnu Biti ukhuluzwe ngumthethwandaba ngemva kokungenela kwakhe.

Isikhulumeli sikaMnu Nelson Chamisa uDr. Nkululeko Sibanda uthi lokhu kuveza sobala ukuthi imthethwandaba yeZimbabwe ilawulwa nguMnangagwa.

please wait

No media source currently available

0:00 0:03:28 0:00

Olwela amalungelo oluntu uMnu Difa Dube laye uthi okwenziwe nguMnangagwa yikwephula umthetho ngoba imithethwandaba imele isebenze izimele ingatshelwa okokwenza.

please wait
Embed

No media source currently available

0:00 0:04:12 0:00

Amazwi kaDube agcizelelwe lilunga lebandla leZanu PF uMnu Kelvin Manduna laye othi kavumelani lokwenziwe nguMongameli Mnangagwa.

please wait

No media source currently available

0:00 0:03:38 0:00

Facebook Forum

XS
SM
MD
LG