Umbukiso wezokulima oweMatabeleland South Agricultural Show uyaqala ngoLwesine eGwanda njalo abaqoqi bawo bathi bakhangelele ukuthi ubengcono kulowanyakenye.
Umgcinisihlalo walumbukiso uMnu George Chipengo utshele intathelizinadaba ukuthi amalungiselelo awo ake aphazanyiswa ngezombusazwe.
Lanxa kunjalo, uChipengo uthe bakhangelele ukuthi uzakuba ngcono kulowanyakenye ngoba kulamankampani amanengi azabukisa lonyaka.
“Umbukiso walonyaka uzakuba mkhulu ukwedlula owomnyaka ophelileyo,” kutsho uChipengo.
“Sizabe sibukisa inkomo ezabantu abavela emakhaya lenkomo ezabantu esithi ngama-commercial farmers; kuyabe kulama-breed atshiyeneyo.”
UMnu. Mkhulunyelwa Ngwenya omunye weziphathamandla zeShow Society uthe amankampani akhangelelwe ukubukisa okwakuqala lonyaka abalisa ekamakhalekhukhwini eyeEconet, elungisa isamende eye Pretoria Portland Cement PPC kanye lebhanga leCABS.
Umbukiso walonyaka uqhutshwa phansi kwendikimba ethi “Ukulima kuyinsika yentuthuko yokuzinakekela” njalo ukhangelelwe uzavulwa ngokusemthethweni yisiphathamandla sePPC ngoMgqibelo.
