amalinks wokungena

Breaking News

Luzathethwa Mhlaka22 Kulinyanga Udaba Lwempumela Yokhetho lukaMongameli


Umthethwandaba weConstitutional Court uthi uzaqala ukuthetha isicelo sikaMnu Nelson Chamisa esokuthi wesule impumela yokhetho lukaMongameli mhlaka 22 kulinyanga.

Umahluli omkhulu uMnu Luke Malaba uhlangane lamagqwetha kaChamisa lakaMongameli Emmerson Mnangagwa ngoLwesine bavumelana phezu kwaleli langa.

UMnangagwa nguye owanqobayo kukhetho lolu olwenziwe ngenyanga edluleyo.

Kodwa uMnu Chamisa, ongomkhokheli womanyano weMDC Alliance, ucele inkantolo ukuthi yesule limpumela ngoba esithi kwaba lokuqilibezela.

Uthi ufuna ukhetho lolu lwenziwe kutsha kumbe umthethwandaba unqume ukuthi nguye owanqobayo.

Kodwa amagqwetha kaMongameli Mnangagwa ayakuphikisa lokhu esithi uMnangagwa wanqoba ngokusemthethweni kungela kuqilibezela.

Uzulu weZimbabwe kanje labantu abanengi emhlabeni jikelele bamelele ukubona ukuthi umthethwandaba uzaluphatha njani loludaba.

Facebook Forum

XS
SM
MD
LG