amalinks wokungena

Breaking News

Asethelekile eZimbabwe Amagqwetha kaChamisa akweleSouth Africa


Amagqwetha aseSouth Africa adumileyo, uDali Mpofu loTembeka Ngcukaitobi, sebefikile eZimbabwe ukuyakuba yingxenye yamagqwetha kaMnu Nelson Chamisa kudaba lwakhe lokuphikisa impumela yokhetho lukaMongameli.

Ababili laba bafike eHarare ngoLwesihlanu ekuseni. Bazasebenza lamanye amagqwetha kaChamisa agoqela uMnu Doug Coltart, uMnu Jacob Mafume loMnu Thabani Mpofu.

UMnu Chamisa lomanyano wakhe weMDC Alliance baphikisa limpumela besithi iZimbabwe Electoral Commission (ZEC) yaqilibezela ukuze kunqobe uMongameli Emmerson Mnangagwa.

Kodwa amagqwetha kaMnangagwa ayakuphika lokhu esithi uMnangagwa wanqoba kuhle kungela kudlelezela.

Umgcinisihlalo weZEC uNkosikazi Priscilla Chigumba uyakuvuma ukuthi ikomishini yakhe yaxubanisa amanani yengeza akaMnangagwa.

Kodwa uthi lanxa angaze alungisiswe amanani lawa, kenelisi ukuguqula ukunqoba kukaMnangagwa.

Umthethwandaba weConstitutional Court uzaqala ukuthetha loludaba mhlaka22 kulinyanga ukhokhelwa ngumahluli omkhulu uMnu Luke Malaba.

Facebook Forum

XS
SM
MD
LG