amalinks wokungena

Breaking News

Kukhethwa Umkhokheli Wabodokotela Embuthanweni Wempahla Yezibhedlela


Abanye ababukise embuthanweni wabodokotela.

Inhlanganiso yabo dokotela eye Zimbabwe Madical Association isikhethe uDokotela Francis Chiora ukuba ngumkhokeli wayo omutsha embuthaweni onikeze ithuba osomabhizimusi abakumsebenzi wempahla esetshenziswa kwezempilakahle eHarare ngempelasonto.

Lumhlangano ophele kuyonale impelasonto ehoteleni ye HICC e Harare ubuthanise odokothela belizwe lonke kanye labosomabhizimusi abatshiyeneyo abalungisa loba abakumsebenzi wemphahla esetshenziswa kuhlangothi lwezempilakahle.

UMnu. Aaron Nyamagambo wamavinkili awe Greenwood Wholesalers uthi ubone lilithuba elihle elimenze etshengise akulungisayo kubodokotela.

“Silama pulse, silama perfumes avela e Italy, ama Imports, la vela e paris e france lama casings lama glucose testing machines avela kwele korea,” kutsho uNyamagambo.

Uthi ukubukisa kulumbuthano kumnikeze ithuba lokufunda kwabanye kwabakade bekubukisa okungavulela ibhizimusi leli amathuba kubodokotela.

Umnumzana Thandeka Hlazo wenkampani ye Exel Medical Group uthi balemitshina eminengi nengi egoqela ama ECG lama Oxygen Concentrator lemitshina yakulezinsuku yokuhlola itshukela kunye lemphahla yezibhedlela.

“Sibona kusinceda kakhulu ngoba ama dokotela ayathola ithuba lokubona imitshina yethu esilayo njalo kulabanye abayakha izibhedlela abayabe befuna imitshina yokuthi baisebenzise , so siyabe sibatshengisa imitshina esilayo lokwenzakalayo,” kutsho uHlazo.

Umnumzana Decision Ncebu ubemele abe Steward Health kulumbukiso:

“I Steward Health sitshengisa I doctors plan yethu .I Doctors plan yasungulwa ngabe hospital doctors association babuya e zima . Yi plan yama doctors isenziwa ngama doctors .So I plan leyi nge 22 dollars iyakwanisa ukuthatha u dokotela umkakhe labantwana,” kutsho uNcebu.

Abenhlanganiso ye ZIMA bahluze indaba ezinengi eziphathelane lezempilakahle emizameni yokudinga indlela zouthuthukisa loluhlangothi e Zimbabwe.

I ZIMA yinhlanganiso ebunjwa ngodokothela abangamatshumi athobamunwe munye 900 abagoqela abasacathulayo lasebezingcwethi emsebenzini wabo besebenzela ezibhedlela zikahulumende abayibo abakhethe uDokotela Chiora ukuba ngumkhokheli wayo ethatha isikhundla esitshiywe nguDokotela Agnes Mahomva.

Osomabhizimusi abakumsebenzi wokulungisa imphahla epathisa kwezempilakahle bemukele ngenjabulo inyathela labeZIMA lokubanxusa emhlanganwenilo. Amanye amabhizimusi athathele phezulu ithuba lokubukisa kulumhlangano agoqela abakumsebenzi wokuncwaba abantu, abaphatheka kwezemali lama insurance ezokwelatshwa.

Facebook Forum

XS
SM
MD
LG