amalinks wokungena

Breaking News

Uhulumende Sekhethele iBulawayo Ikhomishini Kumelele Ukugcotshwa Amakhansila


IBulawayo City Hall

Uhulumende usekhethe amalunga ekomitshini azabephethe intambo zokuhambisa umsebenzi kukhansili yako Bulawayo kusalindelwe ukuthi oKhansila abasanda kukhethwa bagcotshwe ukuqala umsebenzi okusemthethweni.

Umabhalane omkhulu wakoBulawayo uMnu. Christopher Dube uthi ngoMvulo babe lomhlangano wakuqala ngemva kokhetho.

Waphanga wachasisa ukuthi lokhu ayisikho kukhethwa kwekhansili okusemthethweni kodwa yisiqondiso esivele kuhulumende obeke leyokhomishini. Ikhomishini le ilako ukusebenza okwenyanga ezintathu njalo izacina ukusebenza nxa amakhansila esegcotshiwe okusemthethweni.

Kutsho uDube: “Ikhonishini le ingama nxa udaba lolu seludlulile emthethwandaba.”

Igqwetha lakoBulawayo uMnu. Kucaca Phulu uthi lesisinqumo sogatsha lukahulumende wezabelo sephula umthetho ngoba isisekelo sombuso kuSection 277 sithi amalunga amatsha akhethiweyo amele abe yiwo asebenzayo.

“AmaKhansila aklhethwe nguzulu kumele angene emsebenzini ngemva kwensuku eziyisitshiyangalolunye,” kutsho uPhulu.

Umnumzana Sibusiso Moyo ohlala koBulawayo uthi bahlali bakoBulawayo babone kuphela sekuthiwa sekulekhomishini njalo abakwazi imbangela yalokhu.

Kutsho uMoyo: “Besikhangelele ukuthi khathesi kuzaba sekulabokhansila kodwa asazi ukuthi umthetho uthini.”

Umthetho uthi okhansila kumele bagcotshwe ngemva kwensuku eziyisitshiyagalolunye kodwa kuze kube manje lokhe kungela okhansila.

Ikhomishini leyi ilamalunga amathathu njalo isanda kubekwa ngumpathintambo wogatsha olubona ngombuso wezabelo uMnu. July Moyo.

Umsebenzi sibili walikhomishini awaziwa nguzulu njalo abanengi bayamangala ukuthi besokuswelekeni beze befakwe ngoba amakhansila ekhona.

USection 277 okhuluma ngamakhansila wehlukile loSection 145 okhuluma ngokuthi iPhalamende igcotshwa nguMongameli, kulesi sikhathi akula kuncintiswa kwamakhansila ngakho akula sizatho sokungababeki esihlalweni ngalesisikhathi.

Facebook Forum

XS
SM
MD
LG