amalinks wokungena

Breaking News

Izizalwane zeZimbabwe ezise South Africa Zithi Abehluli Be ConCourt Bengasekeli Hlangothi


Umkhulu wabahluli, uJustice Luke Malaba

Ngesikhathi umthethwandaba weConstitutional Court ulungiselela ukuzwa udaba lweMDC Alliance ecela ukuthi kwesulwe impumela yokhetho olusanda kwedlula, izizalwane zeZimbabwe kweleSouth Africa sezikhuthaze omahluli abazakwahlulela loludaba ukuthi basebenze ngobuqondo, bengesabi njalo bengathathi hlangothi.

Izizalwane zeZimbabwe kweleSouth Africa zithi ukungena kodaba lombango wempumela yokhetho emthethwandaba we Constitutional Court lamhlanje kutsho ukuthi ikusasa yeZimbabwe isiyeyeme emahlombe abehluleli abazahlahlula loludaba.

Umeli weMDC Alliance kweleSouth Africa umnumnzana Austin Moyo uthi bafuna omehluli bethule impumela esekelwa ngamaqiniso lobufakazi obuzakwethulwa emthethwandaba.

“Kubahluleli laba abazobe belalele sengathi bangab lomoya kaThixo. Balalele bengakhethi hlangothi. Balalele ngaphandle kokwesaba. Balalele ngokwethembeka. Balalelele abantu baseZimbabwe,” kutsho uMoyo.

Ngakwelinye icele izizalwane seZimbabwe umnumnzana Khulumani Njayi uthi omehluli akufuzanga bazehlise isithunzi ngokwenza okusegcekeni ukuthi basekela ibandla elibusayo.

“Yona impumela yeConstitutional Court kungathi ingaba 50-50 ingawela ngapha ingawela ngale ngoba yona iZanu pf ayingeke ithembele kakhulu kujudge uMalaba ngoba uMalaba kungenzakala ukuthi njengoba engumuntu owangena ngesikhathi sikaMugabe, kungenzakala ukuthi angabe engumuntu owayezwana loMugabe njengoba kunguye owamfaka kulesiya sikhundla emnyakeni emncabe edluleyo,” kutsho uMnu. Njayi.

Lokhu kusekelwa ngesinye isizalwane seZimbabwe umnumnzana Washy Mabizela yena othi omehluli kufuze baxwaye ukwenza njengalokho abebekwenza ngesikhathi kusabusa umnumnzana Robert Mugabe.

“Zimbabwe singabhekisisa kudala abakwazi ukunikeza isinqumo esi against Zanu PF. This time around I evidence iningi kabi etshengisa ukuthi benze i rigging. So kumele banikeze isinqumo esitshengisa ukuthi nabo bayacabangela abanye abantu laba abasokolayo eZimbabwe,” kutsho uMabizela.

Isiphathamandla sebandla le United Democracy Movement umnumnzana Andrew Nyathi ukhuthaza abehluleli ukuthi bagxile emkantshweni wodaba oluphambi kwabo hatshi ukuvumela amagqwetha echitha isikhathi aphikisana ngokuthi lo ubhale kabi kumbe usibanyana kabikelanga umthethwandaba ngendlela eqondileyo.

“Bakhangelisise babone ukuthi kuyini okwenzekayo. Bengesabi lutho. Bangayi ngokwehlela kwamanzi. Baqine. Babe leqiniso lokuthi umsebenzi owenziwe ngabantu beZimbabwe, intando yabo iyenzeka,” kutsho uNyathi.

Inengike lithi omahluli kufanele baqaphele ukuthi isinqumo abazasethula kweyeme kiso ikusasa yezizalwane zeZimbabwe ezedlula izigidi ezilitshumi.

Facebook Forum

XS
SM
MD
LG