amalinks wokungena

Breaking News

Igqwetha leZEC: Umthethwandaba Kumele Ulahle Udaba lukaChamisa


Igqwetha elimela ikomishini yezokhetho, iZimbabwe Electoral Commission, uMnu Tawanda Kanengoni uthi umthethwandaba kumele ulahle udaba lukaMnu Nelson Chamisa ngoba kalula mnkantsho.

Egqiba amazwi akhe okuvikela iZEC kudaba olukhwezwe nguChamisa ephikisa impumela yokhetho lukaMongameli, uKanengoni uthe amagqwetha kaChamisa ehlulekile ukuveza ubufakazi obukhomba sobala ukuthi kwaba lokuqilibezela.

UKanengoni uvumile ukuthi baxubanisa amanani amavoti, kodwa uthe baphambanisa ngamavoti ayingcosana ayisilinganiso sokuyi 0, 1% ekhulwini kuphela.

Ngokunjalo, uthe lanxa amavoti lawo engaze ephiwe uChamisa, impumela yokhetho kayiguquki okuya ngaphi.

UMongameli Emmerson Mnangagwa wanqoba ngesilinganiso sokwedlula kancane okungamatshumi amahlanu ekhulwini, 50.8%.

UKanengoni uthe uMnangagwa wanqoba ngokuqotho kungela kudlelezela. Uthe kuyamangalisa ukuthi kungani uChamisa engafuni ukuthi amavoti abalwe kutsha.

Luyaqhubeka loludaba.

Facebook Forum

XS
SM
MD
LG