amalinks wokungena

Breaking News

Osandakhethwa Ukumela iBulilima West, owe Zanu PF, Uthi Lesi Sigaba Simanyaniswa Yintuthuko


EPlumtree

Osandakhethwa ukuba ngumeli weBulilima West edale lephalamende uMnu Dingumuzi Phuti owe Zanu PF uthi uhulumende sethembise ukulungisa idamu leMabhongane esigabeni seBhambadzi ePlumtree.

Idamu leli lidubuke eminyakeni edluleyo, okutshiye izakhamizi kanye lenyamazana zendle zingelandawo yokunatha.

UPhuti uthi seke wakhulumisana lezicukuthwane zikahulumende ngesikhathi ekhankasela ukhetho zamtshela ukuthi lukhona uhlelo lokulungisisa lelidamu.

“Ubaba uVice President uChiwenga wathi esivakatshele ePlumtree saba lexeshana nje ukuthi simbonise indubo esibhekane lazo kithi. Sambalela inhlupho esilazo sathola ukuthi bekuvele kukhona kunhlelo zikahulumende ukuthi zenziwe,” kutsho uPhuthi.

Uthi okukhulu okwamukelwa kakhulu okwahle kwathiwa kuzahle kwenzakala lidamu leMabhongane ukwenzela ukuthi ligine amanzi amanengi kakhulu azaphilisa inyamazana.

UPhuthi uthi kuzakuba lohlelo lokukhuthaza abantu ukuthi bazovakatsha bebona lelodamu lokunye okuzalandela.

“Okwesibili ngizathanda ukuthi ngikhulume ngezinye inhlelo engizathanda ukuthi sizenze. Sesidinge ingcitshi ezafundela ukuthuthukisa izigaba kuma universities baphakathi kwequla lethu ku constituency ukusebenza ukwenzela ukuthi silethe utshintsho,” kutsho uPhuthi.

Uthi sebebhodabhode kuma ward bebuza ukuthi kambe kuyini okungaba kufuna ukulungisiswa bathola inhlupho ezinengi ezitshiyeneyo basebeqala ukudinga uncedo, beqala ngakungatsha zikahulumende.

Ungezelele esithi babuze lengcitshi zabo ezafundela umsbenzi emakolotshini ema university ukuxhumana labakwamanye amazwe labammeli bamazwe kunye lenhlanganiso ezizimeleyo.

“Abantu bakithi mdabu wabo ngabantu abamanyeneyo, ukwehlukana kweze politics asikaze sibona abantu bakithi bazondane kakhulu baze bafise ukungasebenzi bonkenjangalokho esikubone kweminye imihlubulo yelizwe,” kutsho uPhuthi.

Uthi okumanyanisa abantu yikuthuthukisa idawo yabo, idevelopment ngesilungu okutshengisa ukuthi ezombusazwe zibuya ngemva kwentuthuko.

Facebook Forum

XS
SM
MD
LG