amalinks wokungena

Breaking News

EZIPHUTHUMAYO: Kukhale Umbhobho Endlini Kasikomitshi weZEC uMnu Qhubani Moyo Kwadutshulwa Ipholisa Elimlindayo


Isiphathamandla sekomishini yezokhetho, iZimbabwe Electoral Commission (ZEC) uMnu Qhubani Moyo uthi ipholisa elimlindayo lidutshuliwe ngoLwesihlanu ebusuku endlini yakhe.

UMoyo wazise ngesehlakalo lesi embikweni awethule enkundleni yeFacebook. Kodwa kasacacanga ukuthi umadutshulwa uyaphila yini kumbe ufile.

“Kulesiga esenzakale endlini yami lapho ilunga logatsha lwamapholisa olweProtection Unit elidutshulwe khona njalo ngikhuluma nje lithe daca echibini legazi. Injongo kasikabi yazi,” kutsho uMoyo.

Asenelisanga njalo ukuzwa ukuthi isehlakalo lesi senzakalele eHarare kumbe koBulawayo.

Sizamile ukukhuluma loMoyo kodwa ubezwakala ebaleka njalo uthe simfonele kusasa.

“Umumo kawumuhle okwamanje, sizakhuluma kusasa,” kutsho uMoyo.

Isikhulumeli samapholisa uNkosikazi Charity Charamba uthe ubengakezwa lutho ngalokhu.

Isehlakalo lesi senzakale ngelanga linye lpho umthethwandaba weConstitutional court onqume khona ukuthi uMongameli Emmerson Mnangagwa wanqoba ngokuqotho kukhetho.

Umkhokheli weMDC Alliance uMnu Nelson Chamisa nguye obekhweze udaba lolu ephikisa ukunqotshwa kwakhe nguMnangagwa.

Facebook Forum

XS
SM
MD
LG