amalinks wokungena

Breaking News

Kufa Abantu Abalitshumi Lantathu Engozini Yomgwaqo eKadoma


File picture
File picture

Kulabantu abalitshumi lantathu abafele engozini yomgwaqo ngoLwesine ekuseni ngemva kokungqikilana kwebhasi lekhombi eKadoma.

Amapholisa athi abangamatshumi amathathu lanye balimele njalo belatshwe esibhedlela seKadoma General Hospital bakhululwa.

Athi ingozi le yenzakale ngemva kokuba umtshayeli wekhombi ekhone phambi kwebhasi duzane lomfula uMuzvezve. Bonke abafileyo babikwa bebesekhombini.

Umtshayeli webhasi yena ulimele wathwalelwa kwesinye isibhedlela eHarare.

Ingozi le iza ngesikhathi uhulumende esithi sokube lengozi zomgwaqo ezinengi kakhulu lonyaka nxa kuqathaniswa lanyakenye ngalesi isikhathi.

Umeli weBinga North edale lephalamende uMnu Prince Dubeko Sibanda utshele iStudio 7 ukuthi lanxa ezinye ingozi zibangelwa ngamaphutha abatshayeli, ezinye zibangelwa yimigwaqo efileyo.

please wait

No media source currently available

0:00 0:02:11 0:00
XS
SM
MD
LG