amalinks wokungena

Breaking News

Abanye Bayabuza Ukuthi Kanti Uyangaphi uMnangagwa Engakafungisi iCabinet?


UChief Justice Luke Malaba lomongameli Mnangagwa
UChief Justice Luke Malaba lomongameli Mnangagwa

UMongameli Emmerson Mnangagwa usegcotshiwe kunye labasekeli bakhe. Kodwa usehle elungiselela ukusuka elizweni engakagcobi amalunga edale lephalamende lawe dale le cabinet elubhekisa kwele China kuhambo lwakhe lwakuqala egcotshwe ukuba ngumongameli okwesibili.

Lokhu sekutshiye abanye besithi akutshengiseli ukuba uMnangagwa ulendubo zikazulu enhliziyweni yakhe njengalokho ahlala ekukhuluma.

Ukuhlaziya loludaba sixoxe lohlaziya ezomnotho, uMnu. Rejoice Ngwenya endawonye lowalwa impi yenkululeko, uMnu. Max Mkandla onguye osungula lingxoxo.

“Okuhluphayo yilokhwana abathi walk the talk kuyahlupha ikakhulu ebantwini abamnyama ngoba umnumzana lowu vele kusukela khonaphana engena nge coup wayekhuluma wathi uzancinphisa ama minister akhe, plus lawa okuthiwa ngama foreign trips,” kutsho uMkandla.

Kodwa uthi uMnangagwa wakuveza ukuthi kasoze anciphise inhambo zakhe ngoba wahle wabhoda bhoda amazwe atshiyeneyo.

UNgwenya uthi kodwa nxa abantu befuna ukucubungula okuqotho kumele bamelele isikhathi andubana babone ukuthi ubusa okuqotho na uMnangagwa kumbe hatshi.

“Kodwa ngiyavumelana loMkandla ngoba abantu laba balalokhu okuthiwa ngesilungu yi entitlement, ukuthi bathi ngokwabo. Kanti umuntu usanda gcotshwa le cabinet kayikagcotshwa, kanti uya ngaphi?,” kubuza uNgwenya.

UMkandla uthi kusobala ukuthi uMnangagwa uzakhetha abantu abavele sebeke babakuhulumende ukuthi babe ngamalunga edale lecabinet.

XS
SM
MD
LG