amalinks wokungena

Breaking News

Akhululwe Amalunga eMDC Alliance Amathathu Abotshelwe Udlakela


Iziphathamandla zogatsha lwabasakhulayo kuMDC Alliance ezintathu ezibotshwe ngoMvulo zikhululwe ngumthethwandaba kamantshi izolo ngemva kokuhlawuliswa imali yesibambiso.

Abathathu laba ngumeli weHighfield edale lephalamende uMnu Happymore Chidziba, uMnu Chamunorwa Madya loMnu Mafaiti Mubaiwa.

UMnu Chidziva wetheswa umlandu wokutshotshozela udlakela ngaphambilini kokhetho kuthi uMubaiwa loMadya betheswa icala lokuphatheka kudlakela olwalandela ukhetho.

Abathathu laba bayawalandula amacala abetheswayo njalo umanyano weMDC Alliance uthi ukubotshwa kwabo yindlela kahulumende yokuhlukuluza amalunga awo.

Ezinye iziphathamandla zeAlliance esezibotshwe ngamacala afanayo zigoqela uMnu Tendai Biti loMnu Morgan Komichi.

XS
SM
MD
LG