amalinks wokungena

Breaking News

RBZ: Ukuze Umnotho weZimbabwe Uncibilike, Kudingakala i$2 Billion


Usibalukhulu weReserve Bank of Zimbabwe (RBZ) uMnu John Mangudya uthi ukuze umnotho welizwe uncibilike, kudingakala imali engamabhiliyoni amabili amadola.

UMandudya uthi ulethemba lokuthi uhulumende uzayithola limali ku$60 billion ezakwelediswa amazwe ezwekazi leAfrica yiChina.

Umphathintambo obona ngezemali uMnu Patrick Chinamasa yena uthi baphakathi kokukhulumisana lamabhanga aseChina ukuthi aboleke iZimbabwe imali engange $2.5 billion.

UChinamasa loMangudya bakuqula likaMongameli Emmerson Mnangagwa eliseChina ebelilande umhlangano wokuqinisa ubudlelwano kwezenotho phakathi kwalelolizwe lemazwe eAfrica ophele izolo.

UMongameli Mnangagwa yena ukhangelelwe ukuhlangana loMongameli weChina uMnu Xi Jinping.

Ingcwethi kwezombusazwe uDr. Brilliant Mhlanga utshele iStudio 7 ukuthi isikwelede esidingwa yiZimbabwe lesi singatholakala, sizakuba ngumthwalo onzima kakhulu emahlombe kazulu.

please wait

No media source currently available

0:00 0:03:19 0:00

Ilunga lebandla leZanu PF uMnu Kalvin Manduna umkhulu umsebenzi uhulumende weZimbabwe amele awenze nxa efuna ukukwelediswa imali ngamanye amazwe.

please wait

No media source currently available

0:00 0:03:00 0:00

Facebook Forum

XS
SM
MD
LG