amalinks wokungena

Breaking News

Grace Mugabe: UMnangagwa Wangena Embusweni Ngentando kaNkulunkulu


Ohluthunelwe intambo zombuso libutho nyakenye uMnu Robert Mugabe lomkakhe uGrace bathi sebemamukela ngezandla zombili uMnu Emmerson Mnangagwa njengoMongameli weZimbabwe.

Ekhuluma emfeni kanina izolo, uNkosikazi Mugabe uthe uMnu Mnangagwa wangena embusweni ngentando kaNkulunkulu.

Ngokunjalo, uthe uyamkhulekela ukuthi aphumelele embusweni wakhe njalo uthi uzulu kumele amamukele.

Wengeze wathi ukungezwani obekukhona phakathi kwemuli yakhe lekaMnangagwa sekuphelile.

Ekhuluma embuthanweni munye, uMugabe laye uthe usenanza uMnangagwa njengoMongameli weZimbabwe ngoba ekhethwe ngabantu kukhetho olusanda kwedlula.

Ngaphambilini kokhetho uMugabe wayethe kasoze amvotele.

Ukwamukela uMnangagwa osokwenziwe yimuli kaMugabe kuza ngemva kwamazwi kaMnangagwa okuthi bazathathela uMugabe amapulazi wonke alawo bamtshiyele elilodwa kuphela.

Ingcwethi kwezombusazwe uDr. Brilliant Mhanga uthi lokhu ngokunye kwezizatho ezingaba zenze uMugabe lomkakhe bazisondeza kaMnangagwa.

please wait

No media source currently available

0:00 0:05:16 0:00

Facebook Forum

XS
SM
MD
LG