Ukukhethwa kukameya wedolobho lakoBulawayo okwenziwe ngoLwesihlanu kuvuze ukubandlululana ngemihlobo okukhanya kubhahile kulelodolobo.
Amakhansila, angawomanyano we MDC Alliance wonke engamatshumi ayithoba munwe munye abedabukene ngendaba yokuthi kukhethwe na umuntu oliShona kumbe oliNdebele ukuthi abe ngumeya.
Kucine kwakhethwa umnu. Solomon Mguni oligqwetha ukuthi abe ngumeya, umsekeli wakhe kwakhethwa uMnu. Tinashe Kambarami.
UMike hove we Studio Seven uxoxe lonobhala jikelele wenhlanganiso yezakhamizi eye Bulawayo Progressive Residents’ Association, umnu. Ambrose Sibindi.
USibindi uthi: “Abantu bebevele befisa ukuthi nxa kukhethwa kukhethwe umuntu olebackground yemfundo njalo lokuthi uyayizwisisa ibackground ye culture le identity yako Bulawayo,” kutsho uSibindi.
Uthi kuthe kukhethwa uMguni abantu bathokoza kakhulu ngoba ufundile ligqwetha njalo esazi amasiko abantu bako Bulawayo.Kodwa uthi kuthe kukhulunywa igama likamsekeli wakhe uKambarami abantu bathula.
USibindi uthi abanengi bakhanya bebengayiqondi kahle imbali kaKambarami.
