amalinks wokungena

Breaking News

Umphathintambo Wezemali Uthola Isikwelede se$250 million Yokuphathisa Umnotho


Umnu. Mthuli Ncube.

Umphathintambo wezemali, umnu. Mthuli ncube ubikwa ethole isikwelede semali eyizigdi ezingamakhulu amahlanu, $250 million, okuyimali yokuvuselela umnotho welizwe.

Umsakazo we ZBC uthi imali le, evele kunkampani ye Germcop izasetshsenziswa ukuphathisa amabhanga ukuthi uzulu athle imali njalo ithenge lokusilela emazweni okufana lamafutha ezimota, imithi lamandla kagetsi.

Umphathintambo uncube usethembise ukuba umnyaka usiyaphela ilizwe lizabe selilemali yalo uqobo, okungumbiko owamukelwe ngabanengi ngemibono ehlukeneyo. Uannahstacia ndlovu usethulela loludaba.

Okwamanje imali yakwamanye amazwe leBond Note kuyasilela emabhanga. Abantu lokhe beqhubeka belala kundwendwe zebhanga bedinga imali kuthi abanye abalayo bayithengisa emikambo yensitha esibhahile ezweni.

Imibiko yokuphenduka kwedollar leZimbabwe yamukelwe ngemibono ehlukeneyo inengi lisithi mhlawumbe udubo lokusilela kwemali lungaphela.

UMnunzna Francis Mukonyori uthi akulula ukuthi ilizwe lizavuka kunyanga ezimbili ezilandelayo selilemali yalo.

“Akusonto elula ukuthi singalala sivuke sesilemali yelizwe, kuzathatha iminyaka ethile ngoba akucaci njalo yiliphi ibhizimusi elenziwayoezweni elinasipha imalI,” kutsho uMkonori.

Isakhamuzi sakoBulawayo uMnu. Auther Tshuma ngomunye owamukele ngenjabulo umqondo wedollar leZimbabwe.

“Ahh yikho esikufunayo okwemali yakuleli amabind sivele asiwafuni njalo uma uhulumende engenza njalo singamtshayela ihlombe,” kutsho uTshuma.

UMnumzana Maqhawe Nyathi esinye isakhamuzi sako Bulawayo uthi engxenye kungehlisa udubo lokusilela kwemali ezweni.

Kutsho uNyathi “Siyawamukela umbono kahulumende wokuletha imali yakuleli noba uzaqeda udubo lokusilela kwemali kanye lendwendwe esizibona impika lamalanga emabhanga”

UKhansila Mzamo Dube uthi ukusilela kwemali kuyadanisa.

“Ukusilela kwemali ezweni kubuhlunu impela. Thina abantu sesehlulekile sekudinga uJehova kodwa siyawamukela umbono kahulumende wokuletha imali entsha mhlawumbe ungaqeda udubo lokusilela kwemali ezweni,” kutsho uDube.

Osakhulayo uKudzanai Sirinwani yena uphambana labanye ethi ngabe ilizwe licela ukusebenzisa iRand lakweleSouth Africa ngoba okwamanje umnotho ezweni usami manzonzo.

Kutsho uSiringwani: “Ngombono wami nibona kuncono ukuthi okwamanje siqale sisebenzise iRand yakwele South Africa ngoba ezomnotho wakuleli azimanga kahle ukuza kwemali entsha kungaletha udubo

Okwamanje iZimbabwe isebenzisa imali yakwamanye amazwe kuhlangene leBond Note kodwa udubo lwemali lokhe luqhubekela phambili ngamandla osekubangele ukuba imali itholakale emikambo yensitha kuthi emabhanga abantu balala khona belinde ukuthi mhlawumbe bengavuka bethola imali.

Inkulumo kaMphathintambo wezemali yamukelwe ngemibono ephikisanayo abantu bethi yisifiso esihle lobanje silakho ukuhle sincindezelwe yisigebenga ezithengisa imali emkhambo yensitha.

please wait

No media source currently available

0:00 0:02:46 0:00

Facebook Forum

XS
SM
MD
LG