amalinks wokungena

Breaking News

Izizalwane zeZimbabwe Zamukela Ngenjabulo Ingcazelo Ngodaba lweDevolution


Emaphandleni

Inengi lezizalwane zeZimbabwe sezemukele ngenjabulo ingcazelo kamphathintambo wogatsha lwabohulumende bezabelo, ngamanyathelo athathwa nguhulumende ukuba leqiniso lokuthi izabelo ziphiwa amandla okuzibusa phansi kohlelo olweDevolution.

AbeZimbabwe laba bathi ukusetshenziswa kwenotho yezabelo ezabelweni lezo yiyo impendulo yokuqeda ubuyanga lokubhaha kwemikhuhlane efana lecholera ebangelwa yikugcwala kwabantu emadolobheni amakhulu.

Ngokutsho kukamphathintambo Moyo, ukukhethwa kwabaphathintambo bezabelo kuzakwenza uhulumende azi ngcono izidingo zazo hatshi ukuthi kuzaphazamisa uhlelo lokuzibusa kwezabelo.

Uthi uhulumende ufuna ukuba kwazi ukuthi yiziphi inhlelo ezidala umnotho ezenzakala kusabelo ngasinye, lokuthi lezo nhlelo zenza malini lokuthi yimalini yaleyo mali engena kuntuthuko yabantu bakulezo zabelo.

Uthi uhulumende kazwe lonke uzakwelekelela lezo zabelo ezisalele emuva ngentuthuko.

Le yinto esiyAmukelwe ngabanengi abathi lelinyathelo lizadala umnotho ezabelweni, lithuthukise amadolobho amancane kanye lokubona ukuthi akulandawo enothiswa ngokuvela kwesinye isabelo sona sisala sihlaselwa yibuyanga.

Isizalwane seZimbabwe umnumnzana Aaron Dube uthi amandla entuthuko kazulu asezabelweni zabo.

“Kulicebo elihle ukuze kuqale ukusetshenzwa kahle. Abantu basebenze lapho abakhona. Lamadistrict lawo bawa thene into cities because siyathemba ukuthi wonke amadistrict alezinto abangaziletha ku economy. Sifisa ukuthi bawaxhase ama district bawatshintshe abe ngamacities. Be improve lama health system, be improve lezikolo, be improve yonke itransportation kufakwe ama tired road, ielectricity,” kutsho uDube.

Leyinto emukelwe ngomunye oweZimbabwe umnumnzana David Tsori yena othi nxa indawo zonke sezithuthukile akukho abazakuyagcwala kwezabanye.

Kutsho uTsori: “Isikhathi sokuthi idevolution of power i iplementwe sesifikile ukwenzela ukuthi icity lecity izi ranele umnotho wayo.

Kungathiwa imali kumele iqale iye eHarare ibisibuya izodeveloper ama cities lawa.

Uhulumende kavumele idevolution of power abantu bazinakakele bona ngezigaba ngezigaba ukwenzela ukuba lemisebenzi bazicriyethele.”

Unobhala jikelele webandla leZimbabwe Communist Party umnumnzana Ngqabutho Mabhena uthi ibandla lakhe lisekela ngokugcweleyo uhlelo lokuzibusa kwezabelo.

UMabhena uthi ukuhlasela komkhuhlane wecholera okuqhubekayo manje kufanele kube yisifundo esikhulu sokuthi kuyingozi ukuthuthukisa indawo ezilutshwana elizweni.

“Ukwenza ukuthi kwehluleke ukuba lohlelo lolu esilubiza ngokuthi yi devolution sekwenze ukuthi wonke umuntu ofuna umsebenzi agijime eye eHarare kugcine abantu sebegcwele eHarare leChitungwiza. Kumele uhlelo lolu olwedevolution linked to idevelopment lubekhona lwenziwe nkungabi yikuthi abantu bonke bakhangelele ukuyathola umsebenzi edolobheni elilodwa,” kutsho uMabhena.

Uhlelo lolu olubizwa ngokuthi yi devolution ngesikhiwa lupha amandla kuzabelo okulawula intuthuko yazo. Isibonelo yikuthi , indawo elezenjiwayo ezinengi iyazisebenzisa kwezentuthuko, ukutholisa abantu bayo imisebenzi kanye lakwezinye inhlelo zokuhlasela ubuyanga emphakathini.

please wait

No media source currently available

0:00 0:04:00 0:00

Facebook Forum

XS
SM
MD
LG