amalinks wokungena

Breaking News

Kwenziwa Umhlangano Wolwazi Lwama Computer


Kusetshenziswa ama computer

Bekulomhlangano omkhulu wolwazi lwemitshina yangalezi nsuku i Information Communications Technology ngesilungo emizameni yokuhlomisa ilizwe ulwazi lomsebenzi wokuthengwa lokuthengiswa kwempahla kusetshenziswa limitshina.

Lumhlangano oqale izolo e Harare ungenwe ngabamabhizimusi e Zimbabwe alobungcitshi emsebenzini owe ICT. Inengi labakulumsebenzi bathi bayakubona ukuqakatheka kokusebenzisa ulwazi lemitshina le ukuthuthukisa ilizwe, ikakhulu emfundo.

Unkosazana Amanda Gwaze owenkampani ye Edumate elungisa ama computer ohlobo lwama laptop lama tablets uthi abantwana besikolo se primary le secondary e Zimbabwe nxa bengathola imitshina le kungaphathisa kwezemfundo yabo.

“Imitshina yethu ifundisa ngendlela elula ejabulisa abafundi ngoba ile video yezifundo abazenzayo, amabhuku abawenzayo kunye lethuba lokuphendula imbuzo ehambelana lezifundo zabo elula,” kutsho uGwaze.

Uthi lokhu kulula kulokuthenga inqwaba lenqwaba yamabhuku ezifundo ezitshiyeneyo.

Amankampani afana leyabomakhalekhukhwini eye Econet Wireless lawo aqakathekisa ezemfundo ngokusekela izifundi ezifika ku ngxenye yesigidi 500 000 kuzifundo zayo phansi kohlelo lwayo olwe Ruzivo. Kuthi inhlanganiso eye Computer Society layo iqakathekisa izifundo eze ICT esigabeni semfundo yeprimary lakubabalisi.

Umnumzana Leon Raybolt wenkampani eye Brother uthi eze ICT zisebenza njalo lakumabhizimusi njalo balo mutshina othiwa yi Brother:

“Lo ngumtshina othiwa yi brother oyenza I imbroidery .Ubuya ulungisiwe vele njalo ulakho konke okudingakalayo njalo ulakho ukudhinda konke ongabe ukufuna ku lembu okufana lama pattern ,amabizo lama logo,” kutsho uRaybolt.

Imitshina yolwazi lwakulezinsuku iqakathekile ikakhulu elizweni elifana le Zimbabwe elisemizameni yokuzithuthuka ngokuphangisa. Ingcitshi zalumsebenzi zithi ukuze lokhu kwenzakale imisebenzi ye ICT imele isekelane lamabhizimusi ukuthi esebenze kalula.

UMnu. Tatenda Tafirenyika usebenzela inkampani eye Risctec uthi sebelomtshina ohlanganisa konke okudingakalayo kukulondolozwa kwembiko kundawonye.

“Sile saver ele application layer le database layer kanye le middleware layer.Lokhu kutsho ukuthi silomtshina munye osebenza ungadingi ama saver amanengi nengi,” kutsho uTafirenyika.

Ele Zimbabwe lileziqondiso zokukhuthaza imicijo emithathu egoqela ukutholakala kwamagagase ebulenjini i- network ngumuntu wonke, ukusetshenjiswa kolwazi lweICT emfundweni yezikolo kunye laku zulu jikelele ezindlini, lokusetshinjiswa kolwazi lolu kwezamabhizimusi okungathuthukisa umnotho welizwe gesiqhubu esikhulu.

please wait

No media source currently available

0:00 0:03:16 0:00

Facebook Forum

XS
SM
MD
LG