amalinks wokungena

Breaking News

Amalungiselelo Omcimbi weIntwasa Asekusibanga Esikude


Intwasa

Amalungiselelo omkhosi omkhulu wezemidlalo yamasiko owenziwa kanye ngomnyaka oweIntwasa Arts Festival 2018 asekusibanga esikude edolobheni lakoBulawayo lapho iJahunda Community Arts edume ngomdlalo obonisa okwakusenzakala ngesikhathi sombhuqazwe weGukurahundi layo ikhangelelwe ukuphatheka kulumkhosi.

Amalungiselelo eIntwasa Arts Festival 2018 egijima ngendikimba ethi “Realities and Expiriences” asefike esibangeni esiphuzulu.

Umqondisi weIntwasa Arts Festival, uMnu, Raisdon Baya uthi umcimbi wokubukisa imvelo ngokucula lemidlalo ukhangelele ukuqala kuviki ezayo Ngolwesibili mhlaka 25 kusiya ku29Mpandula.

“Amalungiselelo sesihambile sesiqoqile inhlelo zethu lemidlalo isikhona siyagijimaijima sisazisa abantu ukuba umcimbi ukhona kuviki ezayo konke sesikulungiselele abantu abaze ngobungi bezobona esibaphekele khona,” kutsho uBaya.

UMnu Baya uchaze ukuba iqembu elidabuka eGwanda, iJahunda Community Arts labanye bayabe bebukisa imidlalo ehlukile.

“Kulemidlalo ezabukiswa eyeJahunda Community Arts ekhuluma ngeGukurahundi kuhlanganisa lokaMnu Zenzele Ndebele lawo omumethe ezombhuqazwe weGukurahundi kunye lamaSoul Brothers eSouth Africa labanye,” kutsho uBaya.

Ethi kumalungiselelo abo okulungiselela inhlelo babhekane lodubo lwemali ngenxa yokuma manzonzo wezomnotho.

“Kumalungiselelo ethu sihlangane lokusislela kwemali ngoba ezomnotho ezweni azimanga kahle kodwa sibelenhlanganiso ezibalisa iNgwebu,Nhimbe Trust leSavana Trust. iOSISA, iCITES leSkysMetro asebethe baphathisa kuIntwasa Arts Festival 2018,” kutsho uBaya.

Obona ngokuqoqwa kwenhlelo eIntwasa Arts Festival 2018, uNkosazana Chipo Mawarire uthi abesifazana lamantombazana asakhulayo lawo azaphatheka emkhosini walonyaka.

“Abesifazana labo bazaphatheka kuIntwasa Arts Festival 2018 lapho abazabe bebukisa umdlalo beyibobidwa odume ngokuthi Womens Wines and Words leminye imidlalo ehlukile,” kutsho uMawarire.

Umkhosi oweIntwasa Arts Festival waqala ngomnyaka ka 2005 ngenjongo yokunanza lokulondoloza imidlalo yamasiko esintu kanye lokuthuthukisa idolobho lakoBulawayo njengesigodlo samasiko lemvelo ebukwa ngumhlaba jikelele lokuhlanzeka.

Ikhansili yedolobho lakoBulawayo lonyaka idanise uzulu ngokungaphatheki kumalungiselelo omkhosi lo, njengeminyakeni.

please wait

No media source currently available

0:00 0:03:46 0:00

Facebook Forum

XS
SM
MD
LG