amalinks wokungena

Breaking News

Izizalwane zeZimbabwe eziseBotswana Zenza Umcimbi Wokunanza Amasiko Azo


Abe Zimbabwe kwele Botswana

Inhlanganiso yezizalwane zeZimbabwe esezihlala kwele Botswana yokulondolozwa kwamasiko esintu, eyeSibanye Cultural Society, ithi amalungiselelo elanga lomcimbi wokunanza amasiko lonyaka, asefike ezingeni eliphezulu. Lonyaka, inhlanganiso le ikhangelele ukunanza imsebenzi eyenziwa ngabadabuka emaNdebeleni abagoqela owayengumdlali wenguqu, uPeter Ndlovu.

Minyaka yonke, inhlanganiso yeSibanye Cultural Society iqoqa ilanga lomcimbi wokunanza amasiko esintu, ovame ukungenwa linengi eliphuma kweleMaNdebeleni elisebenza kweleBotswana.

Eminyakeni, izizalwane zeMaNdebeleni ezigoqela induna uNhlanhlayamangwe Ndiweni weNtabazinduna, ingcitshi kwezembali umnunzana Phathisa Nyathi, abake badlalela iqembu leHighlanders, uMadinda Ndlovu, uBarry Daka kanye lo Peter Nkomo, sebeke bahlonitshwa kumcimbi lo.

Umngcinisihlalo weSibanye Cultural Society umnunzana Cephas Tshuma uthi lonyaka bazangendlela etshiyeneyo. Uthi abantu bakhululekile ukuthi anxuse abazali babo abaseZimbabwe ukuthi babekhona emcimbini lo, wona ozakwenzelwa eGaborone ngoLwezi.

"Okumqoka lonyaka yikuthi lilanga labazali bethu, uma kuhambe kahle, asikhangelelanga abazali abangaphansi kwabalikhulu," kutsho uTshuma.

UTshuma uthi induna ezivela ezigabeni ezitshiyeneyo zeMaNdebeleni zizabe zikhona ukuze zizo khuluma ngamasiko. Lonyaka uthi kuzanxuswa amanye amaqembu amasiko aphakathi kweleBotswana ukuthi kuzofundiswana ngokutshiyeneyo ngezamasiko.

Ugcizelele ukuthi kuqakathekile ukuthi abantu babekwazi ukuthi iSibanye Cultural Society ayisiyo nhlanganiso yezombusazwe, kodwa edinga ukuvuselela amasiko nje.

"Inkulumo esingazamukeliyo ngezombusazwe, ngoba ayisilo bandla lezombusazwe kodwa yinhlanganiso ekhangelele ukuvuselela amasiko. Sithi njengoba sisemzini, silabantwana abazalelwe lapha sifisa bekwazi amasiko abo, yikho esikukhangeleleyo," kutsho uTshuma.

Uqhubeke ethi bakhona abazahlonitshwa abadabuka eMaNdebeleni abaogoqela owayengumdlali weqembu lenguqu ele Highlanders uPeter Ndlovu.

Njalo uthi inhlanganiso eyeSibanye izaphathisa omunye umfundi ongena ekolitshini leNational University of Science and Technology bembhadalele imali yesikolo…

"Kulomfana esizamphathisa, sizama ukuntshintsha impilo zabantwana. Siyazi ukuthi abantwana kulezinsuku bangena ezikhathi ezingalunganga ezifana lokuthatha izidakwa mizwa, ngakho njenge nhlanganiso sibona kufanele ukuthi siphathise," kutsho uTshuma.

AbeZimbabwe abaseBotswana ikakhulu abadabuka kweleMaNdebeleni, abafana lonkosazana Emily Dube, bayayincoma imsebenzi yale nhlanganiso, besithi uqakathekile ekutshengiseni lekugcineni amasiko esintu…

"Kuyinto enhle kakhulu ngoba sikhatshana lekhaya, singacina silahlekelwa ngamasiko, lobuntu bethu."

Kutsho uDube: “Iqembu elidumileyo ele IYASA liyabe liyilo elizalolonga abakulomcimbi ngomculo, njalo lonyaka kudili leli kuzabulawa inkomo, kuyindlela yokutshengisa ukuthi esintwini kujatshulwa njalo uma kulomcimbi.”

please wait

No media source currently available

0:00 0:02:38 0:00

Facebook Forum

XS
SM
MD
LG