amalinks wokungena

Breaking News

Asithathe Na Isikhundla Afuna Ukusiphiwa Nguhulumende uChamisa?


Umkhokheli webandla leMDC, uMnu. Nelson Chamisa.

Umkhokheli webandla leMDC, uMnu. Nelson Chamisa uthi isikhundla somkhokheli webandla eliphikisayo esifuna ukusungulwa nguhulumende kasifuni.

Lesi sikhundla sizadalwa njengeseBhilitane lapho umkhokheli webandla eliphikisayo abhadalwa khona iholo ngenynga, akhelwe indlu athole inzuzo njengomuntu osebenzela uhulumende.

Loludaba solutshiye abasekeli bebandla leMDC betshiyene imbono, abanye besithi lesi sikhundla silungile kodwa abanye besithi leli liqhinga lokuginya ibandla labo njengokwenziwa ibandla le PF Zapu.

Ukuhlaziya loludaba sixoxe lengcwethi ecubungula ezombusazwe, uMnu. Mqondisi Moyo endawonye lomkhokheli webandla leMthwakazi Republic Party, onguye osungula lingxoxo.

“Okwakuqala yikuthi vele akukho kusisekelo sombuso njalo isisekelo esasilobayo sathiwa ngesabantu abangafakanga khonoko okufuna ukwenziwa,” kutsho uFuzwayo.

Uthi kwafakwa njalo okunye okungekho emththweni okokwengezela inani labesifazane edale lephalamende uzulu wathi akusenani ngoba kuqakathekile.

Kodwa uthi lokhu okwehofisi efuna ukusungulwa akumelanga kuvunyelwe nguzulu ngoba kazange akuthi kube esisekelweni sombuso.

Uthi kufana lokusungulwa isikhundla senhloko kahulumende esaphiwa umuyi uMnu. Morgan Tsvbangirai.

UMoyo uvumelane loFuzwayo wengezelela esithi: “Umuntu okukhulunywa ngaye vele nguMnu. Nelson Chamisa. Mhlawumbe ngokuthi nguye okhale kakhulu ukuthi urojiwe kupresidential election. Engibona ngani uhulumende kaMnangagwa uzama ukumthulisa. Kufana lokuthi umntwana omtshaye ngoswazi umbone elokhu ekhala ube usumthulisa ngesiwiji.”

Uthi lokhu kwenziwa ukuthulisa nje uChamisa kungakhathalekile ukuthi uzulu yena ufunani.

Isikhulumeli sikaMnangagwa, uMnu. George Charamba wethule imbiko esithi lesi sikhundla esifuna ukusungulwa ngesizabakhona njalo asilungiselwanga uChamisa.

Kodwa uFuzwayo ulandule lokhu esithi kumgceke ukuthi kwenzelwa uChamisa.

please wait

No media source currently available

0:00 0:05:14 0:00

Facebook Forum

XS
SM
MD
LG