amalinks wokungena

Breaking News

Amabandla Aphikisayo Achothoza Amanyathelo Athethwe nguMangudya kuMonetary Policy Yakhe


Amabandla aphikisayo athi umbiko kasibalukhulu weReserve Bank of Zimbabwe, uMnu John Mangudya ophathelane lokusetshenziswa kwemali, oweMonetary Policy, awethule izolo ubungelamnkantsho njalo uveza sobala ukuthi uhulumende akalamacebo okuthi engavuselela njani umnotho.

UMangudya uthe lanxa kulezavunguvungu, umnotho uqhubeka uqina.

Wengeze wathi ukusilela kwemali yakweleMelika yisibonelo sokudlondlobala komnotho ngoba amankampani amanengi agoqela iDelta lePepsi eyidinga limali ukuthi engezelele inhlelo zawo.

UMangudya uthe njalo abatshayeli bezimota ezinkulu ezidlula eZimbabwe zivela kwamanye amazwe sokumele bathenge iphethulo ledizili ngemali yakwamanye amazwe kuphela hatshi nge-bond.

Izivakatshi lazo sokumele zisebenzise imali yakwamanye amazwe kuphela.

Umphathintambo wezemali uMnu Mthuli Ncube yena uthe lanxa kulobubelo kugatsha lwezokulima lolokwemba, umnotho usathwele nzima njalo abantu abanengi balahlekelwa yimisebenzi mihla lamalanga.

Lanxa kunjalo, uNcube uthe ukhangelele ukuthi umnotho ukhule ngesilinganiso se6, 3 percent lonyaka. UNcube ucunule abantu abanengi ngokukhweza umthelo wokuthenga ngekhadi lebhanga.

Uveze njalo ukuthi isikwelede sikahulumende kumabhanga aphandle kwelizwe laweZimbabwe sesikhwele safika ku$16, 5 billion.

Lanxa iziphathamandla zikahulumende zisithi amanyathelo kaMangudya azawuvusa khwatshu umnotho, abeMDC bathi lezi yizifiso zikaThemba loAmkela.

Sixhume isikhulumeli sikaMnu Nelson Chamisa uDr. Nkululeko Sibanda yena oqale ngokuchothoza umthetho wokuthi abatshayeli bakwamanye amazwe sokumele bathenge amafutha ezimota ngemali yakwamanye amazwe kuphela.

please wait

No media source currently available

0:00 0:03:33 0:00

Sixhume njalo umgcinisihlalo weMDC-T uMnu Abednico Bhebhe yena othi akulalutho uhulumende kaMongameli Emmerson Mnangagwa angalwenza okungavusa umnotho.

please wait

No media source currently available

0:00 0:03:19 0:00

Kodwa ilunga lebandla leZanu PF uMnu Kelvin Manduna, yena oqhuba izifundo zePhD eMelika, eHoward University uthe uyajabula ngamanyathelo athethwe nguMangudya.

please wait

No media source currently available

0:00 0:03:04 0:00

Ingcwethi kwezombusazwe uMnu Difa Dube utshele iStudio 7 ukuthi uhulumende wenze iphutha elikhulu ngokubamba abatshayeli bakwamanye amazwe ngamandla ukuthi bathenge amafutha ezimota ngemali yakwamanye amazwe kuphela.

please wait
Embed

No media source currently available

0:00 0:02:00 0:00

Facebook Forum

XS
SM
MD
LG