amalinks wokungena

Breaking News

Abalwela Amalungelo Bamukela Ngenjabulo Ukujeziswa Kwamapholisa Yinkantolo


UNkosikazi Lillian Chinyerere etshaywa ngamapholisa phambi komthethwandaba ngo2016

Abalwela amalungelo oluntu sebamukela ngenjabulo isimunqo somthethwandaba esibamba amapholisa lomphathintambo wendaba zasekhaya ngamandla ukuthi bahlawule owesifazana, uNkosikazi Lillian Chinyerere, phezu kokutshaywa kabuhlungu ngamapholisa.

UChinyerere, oleminyaka yokuzalwa engamatshumi ayisithupha lane, watshaywa kakubi ngamapholisa phambi komthethwandaba weHarare ngo2016 ngesikhathi kulokutshengisela phezu kombuso kaMnu Robert Mugabe engakagenqulwa libutho.

UChinyerere wasuka wabophisa amapholisa encediswa ngamagqwetha enhlanganiso egqugquzela ukulondolozwa kwamalungelo oluntu eyeZimbabwe Lawyers for Human Rights.

Kuliviki umahluli weHigh Court uMnu Nicholas Mathonsi unqume ukuthi uNkosikazi Chinyerere kumele ahlawulwe ngoba watshaywa njalo wahukuluzwa ngaphandle kwesizatho.

Ngokunjalo uMathonsi ulaye amapholisa kanye lomphathintambo wawo uMnu Cain Mathema ukuthi bahlawule uGogo Chinyerere inkulungwane ezedlula kancane itshumi lantathu zamadola, i$13,500.

Facebook Forum

XS
SM
MD
LG