amalinks wokungena

Breaking News

Ahamba Kuhle Amalungiselelo eZone 6 Basketball Club Championships


EleZimbabwe liphakathi kokulungiselela imidlalo yeZone 6 Basketball Club Championships ezaqhutshelwa koBulawayo kusukela mhlaka 20 kulinyanga kusiya kumhlaka 29.

Kulamaqembu angamatshumi lesithupha aphuma emazweni ayisithupha asezansi yezwekazi leAfrica azaphatheka kulimidlalo.

Amaqembu la abalisa eleZimbabwe, eZambia, eleMalawi, eleAngola, eleBotswana leleMozambique.

“Njenge Local Organising Committee silomlandu wokubona ukuthi limidlalo iyaphumelela ngoba inhlanganiso yezizwe zomhlaba eyeFIBA iphe thina ilungelo lokuthi sibe yithi esiyiqoqayo lonyaka,” kutsho ilunga lequla elibona ngokuqoqwa kwalimidlalo uSikhumbuzo Ndlovu.

Umncintiswano weZone 6 Basketball Club Championships lo uzaqhutshelwa eZITF kuHall 3 njalo amaqembu azamela ilizwe leZimbabwe ngabalisa awabesifazane athi eleLakers, elako Bulawayo, kanye leleVixens elivela eHarare.

Kucele labesilisa kulamaqembu aphuma eHarare athi eleHarare City Hornets kanye leleFoxes.

UNdlovu uthi ukuqhutshelwa kwemidlalo le eZimbabwe kulakho ukuthuthukisa umdlalo webasketball kulelilizwe.

“Sikhangelele ukuthi abantu bakoBulawayo babuye ngobunengi babo ukuzosekela amaqembu akhona njalo ukuba lemidlalo le lapha silakho ukuvula iminyango eminengi kwezemnotho kanye lakwezokunanzelela ukuthi imidlalo idlalwa njani njalo iqoqwa njani,” kutsho uNdlovu.

Ilizwe leAngola, lona elilendumela kumdlalo weBasketball eAfrica, lizathumela amaqembu amathathu kuthi eleMalawi lizaletha amaqembu amabili.

EleMozambique lilamaqembu amathathu kuthi eleZambia lizaletha amaqembu amane. EleBotswana lona lizaletha amabili.

please wait

No media source currently available

0:00 0:02:06 0:00

Facebook Forum

XS
SM
MD
LG